АДМИН
Өчигдөр Завхан аймгийн Шилүүстэй суманд илэрсэн коронавирусний халдвартай 2 иргэнийг ХӨСҮТөв рүү, ойрын хавьтлын 6 иргэнийг аймгийн Нэгдсэн эмнэлгийн Халдвартын тасагт зөөвөрлөн эмчлэхээр шийдвэрлэсэн билээ. Харин өнөөдөр мэргэжлийн байгууллагууд дахин хуралдаж:
1.Одоогоор халдвартай иргэдэд эмнэлзүйн ямар нэгэн шинж тэмдэг илрээгүй, биeийн байдал хэвийн
2. Хавдрын хагалгаанд орсон нэгдүгээр хавьтлын иргэн буюу халдвартай 2 иргэний гэр бүлийн гишүүний биeийн байдал хүнд, хол замд тээвэрлэх явцад эрсдэл үүсэх магадлал өндөр
3. Ар гэрийн гачигдал, иргэдийн хүсэлт зэргийг үндэслэн халдвартай 2 иргэн болон ойрын хавьтлын иргэдийг Шилүүстэй суманд эмчлэхээр шийдвэрлэлээ.
Эмчилгээг ХӨСҮТ-ийн эмч нарын баг, аймгийн эмч, эмнэлгийн мэргэжилтнүүдтэй хамтран хийнэ.
Эх сурвалж: Завхан аймгийн засаг даргын тамгын газар
|
Нийгэм
