Увс аймгийн Тариалан сумын Тээл багийн ‘’Хөх үхэртийн гэдэс’’ гэдэг газар /аймгийн төвөөс зүүн урд зүгт 20 км-т, сумын төвөөс зүүн урд зүгт 50 км-т/ автомашин цасанд суусан тухай дуудлагыг 3 сарын 14-ний өдрийн 02:10 цагт аймгийн Онцгой байдлын газрын Эрэн хайх, аврах салбарын алба хаагчид хүлээн авч 20 км замыг туулан 03:10 цагт очиход Увс нуураас Улаангом сумын чиглэлд иргэн Т-ын “Приус 20” загварын суудлын автомашин /4 зорчигчтой/ цасанд суусан байсныг татаж гаргажээ.

Мөн Увс аймгийн Улаангом сумын 8 дугаар багийн ‘’Хөндлөн’’ гэдэг газар /аймгийн төвөөс зүүн зүгт 13 км-т/ автомашин цасанд суусан тухай дуудлагыг 3 сарын 14-ний өдрийн 03:30 цагт аймгийн Онцгой байдлын газрын Эрэн хайх, аврах салбарын алба хаагчид хүлээн авч 13 км замыг туулан 03:48 цагт очиход 8 дугаар багийн Хөндлөнгөөс Улаангом сумын чиглэлд иргэн Д-ийн “Старикс” загварын cуудлын автомашин /1 зорчигчтой/ цасанд суусан байсныг татаж гаргасан байна.

Увс аймгийн Өндөрхангай сумын Жаргалант багийн ‘’Цагаан даваа’’ гэдэг газар /аймгийн төвөөс урд зүгт 310 км-т, сумын төвөөс урд зүгт 30 км-т/ автомашин цасанд суусан тухай дуудлагыг 3 сарын 14-ний өдрийн 06:06 цагт аймгийн Онцгой байдлын газрын Эрэн хайх, аврах салбарын алба хаагчид хүлээн авч Улаангом сумаас Өндөрхангай сумын чиглэлд зорчиж явсан Б-ийн жолоодож явсан “Фургон” загварын суудлын автомашин /6 зорчигчтой/ цасан суусан дуудлагаар 06:15 цагт хөдөлгөөн үйлдсэн. Тус сумын Засаг даргын Тамгын газрын ажилтнууд мөн өдрийн 07:32 цагт цасанд суусан автомашиныг татан гаргасан тул Онцгой байдлын алба хаагчид буцжээ.

Эх сурвалж: ОБЕГ