АДМИН
"Шуурганы улмаас 6 хүн нас баржээ. Үүнээс 5 нь Дундговь аймагт, 1 нь /5 настай/ Архангай аймгийн Өгий нуур суманд болжээ. Нийт нутгаар цаг агаарын аюулт үзэгдэл, зарим аймгаар гамшигт үзэгдэл ажиглагдлаа. Салхины хурд 20-24 м/с, зарим үед 30-34 м/с хүрсэн. Өнгөрсөн амралтын өдрүүдэд болсон хүчтэй шороон болон цасан шуурганы улмаас Архангай, Булган, Говь-Алтай, Говьсүмбэр, Дундговь, Өвөрхангай, Завхан, Увс, Төв, Хөвсгөл зэрэг 10 гаруй аймгуудын 46 суманд нийт 548 хүн төөрч сураггүй алга болсон. Тус иргэдийг олохоор ОБЕГ-аас бүх хүч бие бүрэлдэхүүнээ дайчлан ажиллалаа. Цасан болон шороон шуурганы улмаас төөрч алга болсон 467 хүнийг эсэн мэнд олсон. Өнөөдөр 10:00 цагийн байдлаар үлдсэн 81 иргэнийг хайх ажиллагаа үргэлжлэн явагдаж байна" хэмээн ОБЕГ-ын Гамшгийн шуурхай удирдлагын газрын хэлтсийн дарга, дэд хурандаа Л.Тамир хэллээ.
|
Нийгэм
