Зам тээврийн сайд Б.Дэлгэрсайханаас тодрууллаа.

-Ерөнхий сайдын хүүгийн асуудлыг та хэрхэн харж байна вэ?

-Түүнийг би мэдэхгүй. Мэдэхгүй юмаа яаж ярих вэ. Ер нь бол бид том юмаа ярих хэрэгтэй шүү дээ. Улс орноо бодох хэрэгтэй биз дээ. Үгүй юм уу.

-Ерөнхий сайдад хариуцлага хүлээлгэхгүй хэрэг үү?

-Ерөнхий сайд өөрөө гарч ирээд шалгуулъя л гэсэн байна лээ шүү дээ. Би түүнийг нь үзсэн. Шалгасан хойно нь л эргээд яриач дээ. Шалгаагүй байхад нь үнэн худлыг нь мэдэхгүй. Би та нарт ч гэсэн зориулж нэг зүйл хэлье. Бүгдээрээ хэвлэл мэдээллээр улс орноороо тоглоод, дэлхий нийтэд бузар булай болдгоо болимоор байгаа байхгүй юу. Биднийг одоо хэн ч тоохгүй. Хэрүүлтэй айл ямар байдаг билээ яг тийм болчихлоо. Өнгөрсөн он жилүүдэд ийм л байсан шүү дээ. Санаж байгаа бол 2012 оны Н.Алтанхуягийн Засгийн газар унаад л АН нохойн замаар ороо биз дээ. Яг энэ давтагдана.

-Гэхдээ Засгийн тэргүүний хувьд гарч ирж иргэддээ тайлбар өгөх ёстой биз дээ?

-Үгүй ээ гарч ирээд л хэвлэлд өгсөн юм биш үү. Би тэгж ойлгосон шүү дээ. Та бүгд авсан юм яваад байна лээ шүү дээ. Би хүний өнөөс тайлбар өгч чадахгүй шүү дээ.

-Сайдын цалин хэд байдаг юм бэ?

-Их хурлын гишүүдтэй адилхан шүү дээ.

-Гишүүний цалин дээр нэмэгдээд үү?

-Тийм юм байхгүй. Нэмэхгүй шүү дээ.