С.ОТГОНБАЯР
УИХ-ын гишүүн Ж.Ганбаатар: Бага хурлын тов зарлах байх. Бага хурал дээрээ Ерөнхий сайдын тухай ярилцах байх аа гэсэн хүлээлттэй байна. Би Эдийн засгийн байнгын хорооны дарга их удаан хийсэн эдийн засагч хүний хувьд эдийн засаг руугаа анхаарлаа хандуулсан улс оронд үүсээд байгаа эдийн засгийн нөхцөл байдлыг даван туулах хүн л Ерөнхий сайд болоосой гэж хүсэж байна. Бусдыг нь өөр өнцгөөс хардаг хүмүүс хэлэх байх. Миний хувьд үнэхээр ард иргэдийн дунд худалдан авах чадвар эрс бууж байна. Долларын ханш өсөж байна. Манай экспорт өмнөх онуудтай харьцуулахад хамаагүй багасаж байна. Эдгээрийг шийдвэрлэх хүн л, аж ахуйн ажил руугаа сайн хандсан, том том олон олон юм ярихаасаа илүү урдах ажлаа хийсэн хүн, хийж байгаа ажил нь хүнд харагдсан, тийм ажлыг хийдэг хүн байгаасай л гэж хүсэж байна.
|
Улс төр
