С.ОТГОНБАЯР
Улсын их хурлын чуулганы хуралдаан эхэллээ. Монгол Улсын 34 дэхь Ерөнхий сайд Г.Занданшатар Засгийн газрын бүрэлдэхүүнээ танилцууллаа.
Тэрбээр "14 мега төсөл хэрэгжиж байгаа. Тиймээс өмнөх Засгийн газрын 3/1-ийг улираан ажиллуулж байна. Мөн шинэ Засгийн газарт УИХ-д суудал бүхий намуудын төлөөлөл оролцуулах нь хамгийн оновчтой шийд гэж үзлээ. Яагаад гэвэл Засгийн газрын үйл ажиллагааны хөтөлбөр сонгогчдын саналыг хаяхгүй байх зорилгоор улс төрийн намуудын мөрийн хөтөлбөрөөс эмхлэн хамтарсан мөрийн хөтөлбөрийг боловсруулсан. Энэ мөрийн хөтөлбөрийг үргэлжлүүлж ажиллуулахын тулд УИХ-д суудал бүхий намуудын төлөөллийг оролцуулах зарчмыг баримталлаа. Дээрх зарчмуудыг баримтлан Монгол Улсын Үндсэн хуулийн 39 дүгээрт зүйл заалтад заасан бүрэн эрхийнхээ хүрээнд Засгийн газрын бүрэлдэхүүний тухай хуульд заасан Монгол Улсын сайд, Хяналт үнэлгээний үндэсний хорооны дарга, Монгол Улсын сайд Боомтын сэргэлтийн үндэсний хорооны дарга, Монгол Улсын сайд, 20 минутын хот үндэсний хорооны даргаас бусад Засгийн газрын гишүүдийг томилохоор УИХ-д танилцуулж байна" гэв.
Шинэ Засгийн газрын бүрэлдэхүүнд ажиллах сайдууд:
- Ням-Осорын Учралыг Монгол Улсын Засгийн газрын гишүүн, Монгол Улсын тэргүүн шадар сайд бөгөөд Эдийн засаг хөгжлийн сайдын албан тушаалд,
- Сайнбуянгийн Амарсайханыг Монгол Улсын Засгийн газрын гишүүн Монгол Улсын шадар сайдын албан тушаалд,
- Тогмидын Доржхандыг Монгол Улсын Засгийн газрын гишүүн Монгол Улсын шадар сайдын албан тушаалд,
- Сандагийн Бямбацогтыг Монгол Улсын Засгийн газрын гишүүн Засгийн газрын хэрэг эрхлэх газрын даргын албан тушаалд,
- Болдын Жавхлан Монгол Улсын Засгийн газрын гишүүн Сангийн сайдын албан тушаалд,
- Лхагвын Мөнхбаатарыг Монгол Улсын Засгийн газрын гишүүн Хууль зүй дотоод хэргийн сайдын албан тушаалд,
- Батмөнхийн Батцэцэгийг Монгол Улсын Засгийн газрын гишүүн Гадаад харилцааны сайдын албан тушаалд
- Гонгорын Дамдиннямыг Монгол Улсын Засгийн газрын гишүүн Аж үйлдвэр эрдэс баялгийн сайдын албан тушаалд,
- Дамбын Батлутыг Монгол Улсын Засгийн газрын гишүүн Монгол Улсын Батлан хамгаалахын сайдын албан тушаалд,
- Батын Батбаатарыг Монгол Улсын Засгийн газрын гишүүн Байгаль орчин, уур амьсгал өөрчлөлтийн сайдын албан тушаалд,
- Пүрэвсүрэнгийн Наранбаярыг Монгол Улсын Засгийн газрын гишүүн Боловсролын сайдын албан тушаалд,
- Тилеуханы Аубакирыг Монгол Улсын Засгийн газрын гишүүн Гэр бүл, хөдөлмөр, нийгмийн хамгааллын сайдын албан тушаалд,
- Борхүүгийн Дэлгэрсайханыг Монгол Улсын Засгийн газрын гишүүн Зам тээврийн сайдын албан тушаалд,
- Чинбатын Ундрамыг Монгол Улсын Засгийн газрын гишүүн Соёл, спорт, аялал жуулчлал, залуучуудын сайдын албан тушаалд,
- Энхтайваны Бат-Амгаланг Монгол Улсын Засгийн газрын гишүүн Хот байгуулалт, барилга орон сууцжуулалтын сайдын албан тушаалд,
- Жадамбын Энхбаярыг Монгол Улсын Засгийн газрын гишүүн Хүнс хөдөө аж ахуй, хөнгөн үйлдвэрийн сайдын албан тушаалд,
- Энхбаярын Батшугарыг Монгол Улсын Засгийн газрын гишүүн Цахим хөгжил, инновац, харилцаа холбооны сайдын албан тушаалд,
- Баттогтохын Чойжилсүрэнг Монгол Улсын Засгийн газрын гишүүн Эрчим хүчний сайдын албан тушаалд,
- Жигжидсүрэнгийн Чинбүрэнг Монгол Улсын Засгийн газрын гишүүн Эрүүл мэндийн сайдын албан тушаалд танилцууллаа.
|
Улс төр
