УИХ-ын гишүүн Л.Мөнхбаясгалан: Нэг хүнд онцгойлон амжилт хүсмээр байна. Намбарын Энхбаярын Батшугар. Ард олныхоо амьдралыг мэддэг шилдэг залуу боловсон хүчин танд амжилт хүсье. Бүгд хариуцсан ажлаа амжилттай хийхийг хүсье. Ерөнхий сайд чинь хэн ч байж болно. Битгий урваарай. Засгийн газрын эрхэм сайдууд та бүхэн битгий урваарай. МАН дангаараа Засгийн газар байгуулах гэсэн жаахан юм болдоггүй л дээ. Жишээ нь нэг ганган хүүхэн гарах гэж байтал толины өмнө эргэлдээд байдаг. Уруулаа будмаар байдаг. ИЗНН, ХҮН нам битгий уруулын будаг нь байгаарай. Маке-ап нь биш шүү та нар. Хамтарч ажиллаж хариуцлагаа үүрэх ёстой гэдгээ ухаарна биз. 

 

УИХ-ын гишүүн З.Мэндсайхан: Төрийн өмчийн компаниудыг цөөлнө гэж ярьж байгаа. Хамгийн сүүлийн алдаатай шийдвэр бол Эрдэнэс Монгол. Энэ асуудлыг эргэж харах нь зүйтэй гэж бодож байна. Эрчим хүчний салбарыг нэг бие 4 толгойтой мангас шиг болгосон. Үлгэрт л тийм юм байдаг байх. Мэргэжлийн шуурхай удирдлагаар хангадаг салбарыг эзэнгүйжүүлсэн. Удирдлагын салаалсан бүтцээс болж асуудал үүссэн. Нөгөө муу нэртэй гэдэг шиг Чойжилсүрэн сайд үүн дээр улайгаад хоцорсон. Нийгэмд гөвүүлээд. Нөгөө их мундаг юм яриад байсан хүмүүс алга болсон. Эрдэнэс Монгол компани долоохон хоногийн дотор буцаагаад эрчим хүчний компаниудын хувийг шилжүүлж байна. ийм асуудлыг эргэж хармаар байна. Эрдэнэс Монгол гэдэг компанийг татан буулгах ёстой.  

 

УИХ-ын дэд дарга Б.Пүрэвдорж: Халзанбүрэгтэйн ордын хувьд иргэдийн эсэргүүцэлтэй нэлээд тулж байгаа. Гэвч Монгол Улсын Ерөнхий сайд Герман улсад очоод Халзанбүрэгтэйг ашиглах тухай ярьдаг. Японд очоод бас ашиглах тухай ярьдаг. Тэгсэн мөртлөө иргэдтэй уулзахаар нэг их хурлын гишүүнийг гаргахын тулд иргэд шийдэхгүй бол Засгийн газар дэмжихгүй гэж ярьдаг. Үүнийхээ дараа сайд нараа тэр асуудлаа шийд гэж шахдаг. Ийм л байсан. Тиймээс маш их эсэргүүцэл өнгөрсөн 11 сард гарсан. МАН-ын 3 гишүүн байхгүй алга болчхоод аргагүйн эрхэнд Ховд аймгийн Засаг даргад үүрэг өгч тэр хайгуулыг зогсоох шийдвэрийг гаргуулсан. Харамсалтай нь шүүхэд өгөөд өчнөөн тэрбум төгрөгийн хохирол нэхсэн байна лээ. Засгийн газар нь өөрсдөө чив чимээгүй суучхаад, толгой байхгүй хэдэн гишүүн, Мэндсайхан гишүүн ялангуяа. Газар тавьж өгчхөөд ингээд яваад байж болохгүй. Тиймээс Засгийн газар хуралдаж, Дамдинням гишүүн очиж танилцаад Мэндсайхан гишүүнтэй хамт явах хэрэгтэй. Яг нутгийнх нь хүн. Цаашаа яах вэ гэдгээ Ерөнхий сайд нь өөрөө гарч ирж хэл. Өөрөө гарч ирсэн бол дараагийн Ерөнхий сайд нь тэр асуудал дээрээ өөрөө гарч ирж мэдэгдэл хийж, нэг талд гаргах ажлыг хийх хэрэгтэй.

 

УИХ-ын гишүүн Н.Алтаншагай: Нийгмийн даатгалын шимтгэлийг бууруулах тал дээр ямар байр суурьтай байгаа вэ. Нийгмийн даатгал төлсөн бодит үр шимээ иргэд хүртэж чадахгүй байна. үүн дээр ямар шийдлийг та ажил хэрэг болгох вэ. Өнөөдөр ахмадуудын 70 орчим хувь нь тэтгэврийн зээлтэй байна. тэтгэврийн зээл авдаг нөхцөл байдал нь хумигдсан. 24 сар байсан нь багассан гэж байгаа. Үүн дээр ахмадууд бухимдалтай байна. Үүнийг асууж өгөөч гэж ахмадууд хандаж байна. хүүхдүүд нь л зээл авхуулаад машин авчихдаг юм шиг ойлголтыг нийгэмд өгсөн. Үүн дээр тодорхой харилт өгөөч?

 

УИХ-ын гишүүн Т.Аубакир: Нийгмийн даатгалын хувь хэмжээг бууруулах нь эргээд төсөвтөө ачаалал үүсгэх асуудал харагдаж байгаа. Зайлшгүй хийх ёстой реформ мөн үү гэвэл мөн. Л.Энх-Амгалан сайд ажиллаж байхдаа хуулийн төслүүд боловсруулаад бэлэн болж байгаа. Зарим нь гишүүдийн зүгээс ч хувь хэмжээг бууруулах асуудлыг байнга ярьдаг. Суурь бүтцийг нь авч үзэхгүй шууд хувь хэмжээг бууруулна гэдэг эрсдэл дагуулах магадлалтай харагдаж байгаа юм. Ажил олгогчийн хувь хэмжээг ажилтантай адилхан байлгахаар ярилцаж байна. Залуучууд, оюутнууд ажил хийхэд мөн нийгмийн даатгал төлөхгүй байх асуудлыг хөндөж байгаа. Нийгмийн даатгалын хувь хэмжээ буурснаар тэтгэврийн хэмжээ буурах магадлалтай. Тиймээс бид Засгийн газрын түвшинд хуулиудыг судалж ажиллана.