Монгол Улсын шинэ Засгийн газар 2025 оны зургадугаар сард бүрдлээ. Шинэ бүрэлдэхүүнийг өмнөх Засгийн газартай харьцуулахад бүтэц, намын харьяалал, нас, жендерийн төлөөллийн хувьд тодорхой өөрчлөлт гарсан байна. Тухайн өөрчлөлтүүд төрийн бодлогод хэрхэн нөлөөлж болохыг доорх дүн шинжилгээнээс харцгаая.

• Шинэ Засгийн газрын дундаж нас: 49.25

• Хуучин Засгийн газрын дундаж нас: 49.09

Хоёр Засгийн газрын насны дундаж харьцангуй ойролцоо боловч шинэ бүрэлдэхүүнд харьцангуй залуу төлөөлөл давамгайлж эхэлсэн нь ажиглагдана.

[Насны дундаж харьцуулалт]

Жендерийн төлөөлөл: Эмэгтэйчүүдийн оролцоо буурав

• Шинэ Засгийн газар:

  • Эмэгтэй – 2 хүн (10%)

  • Эрэгтэй – 18 хүн (90%)

• Хуучин Засгийн газар:

  • Эмэгтэй – 3 хүн (13.04%)

  • Эрэгтэй – 20 хүн (86.96%)

Шинэ Засгийн газарт эмэгтэй сайдын тоо цөөрсөн нь жендерийн тэнцвэрийн чиг хандлага ухарсан гэх шүүмжлэлд өртөх үндэс болохоор байна.

[Жендерийн бүтэц]

Нам, эвслийн төлөөлөл

Шинэ Засгийн газарт МАН-ын эзлэх байр суурь эрс нэмэгдэж, АН бүрэн шахагдсан нь улс төрийн хүчний тэнцвэрт байдал алдагдсан хэмээх шүүмжлэлийг дагуулж болзошгүй. Харин ИЗНН анх удаа сайдын суудалд багтсан нь шинэ төлөөллийн эхлэл болж байна.

[Намын харьцааны өөрчлөлт]

Шинэ Засгийн газрын бүрэлдэхүүн өмнөхөөс илүүтэйгээр намын төвлөрөл өндөр, эмэгтэйчүүдийн оролцоо сул, насны хувьд залуу талдаа болжээ. Улс төрийн хариуцлагыг тэнцвэртэй байлгах, жендерийн төлөөллийг бодлогоор дэмжих, залуу боловсон хүчнийг зөв системээр дэвшүүлэх зэрэг шинэчлэлийн шалгуур энэ бүрэлдэхүүнийг тойрч босно.