С.ОТГОНБАЯР
УИХ-ын гишүүн, Шадар сайд Т.Доржхандаас тодрууллаа.
-Ө.Шижир гишүүн танай намыг нэг компаниас хандивынхаа 98 хувийг босгосон тухай мэдээллээ. Нэг компанийн хамааралтай нам гэсэн зүйл ярилаа. Үнэхээр нэг компаниас санхүүжилтийнхээ 98 хувийг босгосон гэж үнэн үү?
-30 жилийнхээ түүхийг бүгдээрээ хар л даа. 30 жилийн түүхэнд улс төрийн хоёр нам л байсан. Хоёр нам руугаа л бүх бизнес эрхлэгчид нь хандив өгдөг. Анх удаагаа л гурав дахь улс төрийн хүчиндээ хандив өгч байгаа тохиолдол. Үүн дээр манайх хандив авах ёстой, ХҮН нам ямар муухай юм бэ. Хандив авчихсан байна шүү дээ. Тэхдээ нэг компаниас авсан байна гэх мэт асар буруу ойлголт шүү. Дэлхий дээр ийм зүйл байхгүй. Дэлхийгээ мэдэхгүй хүмүүс ийм популизм ярихаа болих хэрэгтэй. Бид өнөөдөр ардчиллыг хамгаалъя гэх юм бол аль болох авлигаас ангид байх ёстой. Дээрээс нь улс төрийн намуудын санхүүжилт шилэн ил тод байх ёстой. Дээрээс нь хэн нэгний тохиролцоонд орж, их хурлын гишүүн болох юм бол энэ асуудлыг шийдье тийм болохоор надад хандив өг гэдэг ийм хөгийн зүйлийг ХҮН нам хийдэггүй. Тийм болохоор бид ил тод байдаг. Хэн дуртай нь манай намд санхүүжилт өгөөрэй гээд дансаа тавьсан. Тэр дотор орж ирж байгаа байдал нь л тэр. Түүнээс тухайн компанитай бид ямар нэгэн байдлаа тохиролцоо хийгээд манайд заавал мөнгө өг. Өгсөн тохиолдолд танай асуудлыг нь шийднэ гэсэн зүйл огт байхгүй.
-Оджаргал гэж хүнийг та таних уу. Уулзаж үзсэн үү?
-Хэрвээ улс төрийн намд ямар нэгэн хандив орж ирлээ гэхэд тэр Оджаргалаас нь байна уу, Женко Баттулгаас нь байна уу, мөнгө орж ирлээ гэхэд түүнийг бид хянаад өө энэ болохгүй юм байна. үүнийг буцаалаа гэх хууль эрх зүйн орчин байхгүй шүү. Хоёрдугаарт, Төгрөг нуурын асуудал дээр Баттулга гэдэг хүн ч бай, Оджаргал гэдэг хүн ч бай адилхан л ордынхоо асуудлыг хэлэлцүүлэх нь зүйтэй гэнгүүт зөрөөд л Оджаргалын компаниас мөнгө авчихсан байна гэдэг зүйлийг гаргаж ирж байна. Ийм өчүүхэн байж болохгүй ээ. ХҮН намын даргын хувьд хариуцлагатайгаар хэлье. Манай нам улс төрийн инстуцийн хувьд хэн нэгнээс хамааралгүй үйл ажиллагаагаа явуулдаг. Ямар ч том бизнес байсан, жижиг бизнес байсан авлигын хэргүүдтэй холбогдсон л бол...
Та бүхэн мэдэж байгаа сүүлийн дөрвөн парламентад том том авлигын хэргүүд дээр хэн парламентад шүгэл үлээдэг байсан юм бэ. Хэн энэ Хөгжлийн банкны асуудлыг парламент дээр сөхөж гаргаж ирсэн юм бэ. Засгийн газар ажиллахдаа хэн нь их наядын хулгай гэж ярьдаг байсан юм бэ. Хэн Ногоон автобусны хулгай гээд явдаг байсан юм. Парламентад ХҮН нам орж ирснээр энэ авлигын асуудлууд ил тод болсон нь үнэн. Шулуухан хэлье. Одоо бол бизнесийнхээ салбаруудыг дэмжинэ. Нөгөө талдаа ардчилсан улс байя аа гэж байгаа бол авлигаар угждаг намын санхүүжилт байж болохгүй. Ил тод байх ёстой. Ямар ч тохиолдолд ямар компани хандив өглөө эхэд тэр нь ил тод л байх хэрэгтэй.
|
Улс төр
