С.ОТГОНБАЯР
УИХ-ын гишүүн Л.Мөнхбаясгалангаас тодруулаа.
-Стратегийн ордын 34-50 хувийг ард түмний мэдэлд байлгана, ард түмэнд очих ёстой гээд АН-ын зүгээс тодорхой бодлого хэрэгжүүлээд явж байгаа. Гэтэл Төгрөг нуурын асуудал үүсээд байна. та үүн дээр байр сууриа илэрхийлээч?
-Төгрөг нуурын ордыг стратегийн ордод авах ёстой. Баттулга, Жаргалсайхан, Шижир Алтангэрэл, Хосбаяр гээд гишүүд нэгдэж 21 аймаг тойрсон. Стратегийн ордод 34-50 хувь хүртэлх ордыг авах ёстой. Хуулиа хэрэгжүүлэх ёстой. 2007 оны УИХ-ын 27 дугаар тогтоол, 2024 оны дөрөвдүгээр сард баталсан Үндэсний баялгийн сангийн тухай хуулийн хэрэгжилтийг хангах ёстой гэдгээр 21 аймгаар тойрсон. Стратегийн ордод авах ёстой ордуудаа жагсаасан. Энэ дотор Төгрөг нуурын орд байгаа. Хэрвээ энэ Төгрөг нуурын орд Х.Баттулга гишүүнийх байсан бол энэ хүн өөрийнхөө өмчийг ард түмний мэдэлд өгье өө гээд явж байгаа нь шударга гэж тооцох уу, тэнэг гэж тооцох уу?
-ЗГХЭГ-ын дарга мэдэгдчихлээ. Та бүхэн нам дээрээ энэ асуудлаар ярилцаагүй юу?
-Бид нам дээр Төгрөг нуурын асуудлыг ярилцаагүй. Өчигдөр намын бүлэг хуралдахдаа АТГ-ын даргын асуудлыг яриад бүлэг тарсан. Миний хувьд хувь гишүүнийхээ хувьд байр суурь ийм байна. Энэ Х.Баттулга гэж хүнийг миний мэдэхээр 15 жил шалгаж байна. 15 жил жил ямар нэгэн асуудалд холбож байгаа. Маш олон асуудалд холбосон. Би зүгээр л 16 дахь жилийн үйл явдал явж байна л гэж бодож байгаа.
-Яг энэ талаар өөртэй нь ярилцсан уу?
-Өөрөөс нь асуусан. Хэрвээ надад ийм орд байсан бол улсын мэдэлд авах ёстой гээд би та нартай 21 аймаг тойрохгүй байлгүй дээ. Хуулийн байгууллагад шалгуулна гэж надад бол хэлсэн. Ойрхон байдгийн хувьд өөрөөс нь асуусан. Н.Учрал сайдад баримт нь байгаа бол өөрөө асуудлаа яриад явах нь зүйн хэрэг. Тэрийг нь хэдүүлээ харж л байя. Н.Учрал сайдын баримтыг би мэдэхгүй. Тэр хүнийг буруушаах юм уу, дэмжих асуудал надад байхгүй.
-Тэгэхээр Х.Баттулга гэж хүн Төгрөг нуурын ордтой ямар ч хамааралгүй гэсэн үг үү?
-Би тэгж хэлээгүй. Өөрийнх нь хэлсний хэллээ шүү дээ.
-Та Төгрөг нуурын ордыг судалсан уу?
-Яахаараа би тэрийг судлах ёстой гэж.
-Та Эм Си Эсийн талаар их мэдээлэлтэй байдаг. Төгрөг нуурын ордын талаар яагаад мэдээлэлгүй байна вэ?
-Эм Си Эсийн талаар мэдээлэл бий. Би яагаад Төгрөг нуурыг судлах ёстой гэж?
-Адилхан стратегийн орд шүү дээ?
-Харин тэгээд би түүний 34-50 хувийг нь улсын мэдэлд авах ёстой гээд явж байгаа гишүүн байна. тэгээд одоо би стратегийн 39 ордыг 39-лэнг нь судлах ёстой юу. Энэ дотроос миний мэддэг нэлээд хэдэн орд бий. Тэрийгээ бол би хэлж чадна. Төгрөг нуурыг бол авах ёстой. Гарцаагүй авах ёстой.
-Таны хувьд энэ улс төр болчхов уу?
-Би улс төр битгий байгаасай л гэж болдож байна. Яг үнэндээ хуулийн байгууллагаар шалгаад үнэн зөвийг нь тогтоогоосой л гэж хүсэж байгаа.
-Та үүн дэр тэгэхээр анхаарал хандуулж байгаа юм аа даа?
-Хандуулна шүү дээ. Монгол Улсын Ерөнхийлөгчөөр ажиллаж байсан. УИХ-д 3-4 удаа сонгогдчихсон холбоотой. Тэгээд хамтдаа Хөх туг гээд 21 аймгаар тойрсон. Хажууд маань байсан хүн ийм асуудалд орохоор анхаарал хандуулах нь зүйн хэрэг шүү дээ.
-7 хоногийн хугацаа өгсөн талаар нь юу гэж байна?
-Тэрийг нь асуугаагүй. Н.Учрал гишүүн 7 хоногийн хугацаа их хурдан хугацаа гэсэн. Зөв шүү дээ. Хурдхан асуудлыг нэг тийш нь шийдэх ёстой. Яг түүнтэйгээ адилхан бусад стратегийн ордууд дээрээ Учрал сайд манлайлал үзүүлж ажиллаасай л гэж бодож байна.
-Жишээ нь, Ухаа худгийн орд ярихаар Эм Си Эс Төгрөг нуурын ордыг оруулаад ир гэдэг. Нэг нэгэнтэйгээ барьцаад байгаа асуудал байна уу?
-Болно шүү дээ. Барьцсан биш шүү. 39 орд дотор Төгрөг нуур байгаа. Тэгэхээр оруулж ирэх ёстой. Төгрөг нуурыг стратегийн ордод авах ёстой. Тийм л юм.
-Ард нь хэн байгаагаас хамаараад хариуцлага тооцох ёстой гэсэн үг үү?
-Тийм. Хариуцлага тооцох ёстой. Бид хуульд захирагдах ёстой шүү дээ.
-Наад захын опен дата гэх мэдээллийн сангуудаас харахад анхны үүсгэн байгуулагч нь Х.Баттулга гишүүний Камекс гэх компани лицензийг нь эзэмшиж байсан нь ил байна л даа?
-Хэдэн оны дата?
-2007 он
-Тэр Камексыг би мэдэхгүй. Төгрөг нуурыг бол авах ёстой. Хуулийнхаа дагуу авах ёстой.
-Та их ойр байдгийн хувьд Учрал сайдын нэрийг нь зарласан хоёр хятад хүнийг нь таних уу. Мэдээлэлтэй байна уу?
-Яг өөртэй чинь адилхан л мэдээлэлтэй байна. Тийм хүн яригдаад л байдаг. Би хараагүй.
|
Улс төр
