4 сарын 18-ны шөнө Шилийн богд орчмоос гарсан хээрийн түймрийг унтрааж чадаагүй байна. Өглөөний 9:00 цагт авсан мэдээгээр түймэр хилийн 2, 3-р заставын орчимд хүрчээ. Эрдэнэцагаан, Дарьганга сумын Засаг даргын тамгын газрын алба хаагчид иргэд, Баруун-Урт сумын мэргэжлийн ангиуд, Онцгой байдлын газрын дарга Б.Анхбаяраар ахлуулсан алба хаагчид нийт 168 хүн 19 автомашинтай ажиллаж байна. Салхины хүч их байгаа тул түймэр унтраахад хүндрэл учирч байгаа талаар Онцгой байдлын байгууллагаас мэдээллээ.
