Тулгар төрийн 2230, 2231, Их Монгол Улсын 815, 816, Үндэсний эрх чөлөө, тусгаар тогтнолоо сэргээн мандуулсны 110, 111, Ардын хувьсгалын 100, 101 жилийн ой Үндэсний их баяр наадам ёслол төгөлдөр сайхан боллоо.
Шадар сайд С. Амарсайхан: “Үндэсний их баяр наадмын хүрээнд Монгол улсын өнцөг булан бүрээс хүрэлцэн ирдэг уяачид болон унаач хүүхдэд зориулан зохион байгуулдаг "Уяачдын наадам" жил бүрийн долдугаар сарын 13-ний өдөр болдог. Энэ жилийн онцлог баяр наадмын тухай шинэ хууль, дүрмийн дагуу явуулж байгаа. Уяачид наадамчид маань зохион байгуулалт өндөр байна. Нар хур тэгширсэн наадам маань өргөн дэлгэр сайхан болж байна. Баяр наадмын тухай хуулийн дагуу хурдан морины уралдаан маргаангүй сайхан болж байна. Монголчууд бид итгэл, сэтгэлээрээ нэгдэж, дэмжиж, оршин тогтнож чаддаг гэдгийг илэрхийлдэг, өв соёл, тусгаар тогтнолоо дээдлэн тэмдэглэдэг үндэсний их баярын халуун мэндийг өргөн дэвшүүлье” гэв.
