Казакстан улсын Актау хотноо 8 сарын 3-8 хооронд зохиогдож буй сургуулиудын багийн ДАШТ-нд Монгени сургуулийн ФМ Б.ГАЛМАНДАХ дасгалжуулагчтай баг эх орноо төлөөлөн оролцож байна. Тэмцээний нээлтийн ёслолд ОУШХ-ны Ерөнхийлөгч Аркадий Дворкович тэргүүтэй хүндэт зочид оролцжээ.
Тэмцээнд нийт 50 улсын 250 өсвөрийн шатарчид дэлхийн аваргын цомын төлөө өрсөлдөнө. Тус тэмцээний зардлыг МШХ-ны хичээнгүй ажлын үр дүнд ОУ-ын шатрын холбооноос бүрэн дааж байгааг дуулгахад таатай байна.
Тэртээ 2006 онд энэхүү тэмцээнд Монгол Улсаас анх удаа оролцохдоо “Төр Монгол” сургуулийн баг тэргүүлж, дэлхийн аваргын цомыг өргөсөн сайхан түүхтэй билээ.
