АДМИН
Прокуророос иргэн И.Мөнхжаргалыг “...цахим хуудас буюу хэвлэл мэдээллийн хэрэгсэлд ярилцлага өгөхдөө хуулийн этгээдийн ажил хэргийн нэр хүндэд халдсан, илт худал мэдээллийг тараасан” /Эрүүгийн хуулийн тусгай ангийн 13.14 дүгээр зүйлийн 1 дэх хэсэг/ гэж үзэн яллагдагчаар татаж, яллах дүгнэлт үйлдэн хэргийг шүүхэд ирүүлсэн байна.
Шүүх хуралдаан эхлэхийн өмнө энэ хэргийн хохирогч МАН-ын итгэмжлэгдсэн төлөөлөгчөөс “...хэргийг шийдвэрлэж байгаа шүүгчээс татгалзах тухай хүсэлт”-ийг гаргажээ.
Эрүүгийн хэрэг хянан шийдвэрлэх тухай хуульд зааснаар, хэргийг дангаар шийдвэрлэж байгаа шүүгчийг татгалзвал шүүгч шүүх хуралдааныг хойшлуулж, уг асуудлыг тухайн шүүхийн Ерөнхий шүүгчид танилцуулж шийдвэрлүүлэх журамтай байдаг.
Иймд, шүүгчийг татгалзан гаргах хүсэлтийг тухайн шүүхийн Ерөнхий шүүгч шийдвэрлэх хүртэл шүүх хуралдааныг хойшлуулж, дараагийн шүүх хуралдаан хүртэл шүүгдэгч И.Мөнхжаргалд авсан хувийн баталгаа гаргах таслан сэргийлэх арга хэмжээг хэвээр үлдээж, дараагийн шүүх хуралдааны товыг гурав хоногоос доошгүй хугацааны өмнө оролцогчид мэдэгдэхээр шийдвэрлэсэн байна.
|
Нийгэм
