Манай улсын 2,3 сая иргэний 4 сая орчим мэдээллийг 700 ам.долларын үнэтэйгээр худалдаалж байна гэх зар raidforums.com гэх хакеруудын сайтад байршсан байна.
Тус сайтын Marketing Database буюу зарын хэсэгт PieWithNothing гэх нэртэй хэрэглэгч Монгол Улсын 2,3 сая иргэний нэр, овог, утасны дугаар, и-мэйл хаяг, гэрийн хаяг, ажил, регистрийн дугаар, хэрэглэгчийн болон бусад мэдээллүүд зарж байгаа талаар бичжээ.
Энэ талаар Харилцаа холбоо, мэдээлэл технологийн газраас тодруулахад уг хэрэг Тагнуулын ерөнхий газар луу шилжсэн гэв.