Монголын үйлдвэрчний эвлэлийн соёлын төв ордон, Монголын шатрын холбоотой хамтран "ЦАГААН БЭРС-2022" өсвөрийн шатарчдын түргэвчилсэн "РАПИД" тоглолтын улсын аварга шалгаруулах XV дахь удаагийн тэмцээнийг 2022 оны 9-р сарын 3, 4-ний өдөр зохион байгуулж байна.
Тэмцээний Ивээн тэтгэгчээр "ОЧИР УНДРАА" групп ажиллаж байна.
Тус тэмцээний нээлтийн ажиллагаанд Монголын үйлдвэрчний эвлэлийн соёлын төв ордны захирал Ц.Мөнхбаяр,Монголын шатрын холбооны ерөнхийлөгч Э.Гурванбаатар,"Очир ундраа" группийн гүйцэтгэх захирал Г.Мөнхзул, Монголын шатрын холбооны дэд ерөнхийлөгч Ц.Батболд, Монголын шатрын холбооны дэд ерөнхийлөгч А.Энхтуул, Монголын шатрын холбооны удирдах зөвлөлийн гишүүн С.Билгүүн, Стейниц академийн дасгалжуулагч Л.Болдбаатар нар оролцлоо.
XV дахь удаагийн уламжлалт "ЦАГААН БЭРС" тэмцээнд 12 аймаг, 45 академи клубийн 400 гаруй өсвөрийн мастерууд 25+10 секунд гэсэн цагийн хяналттайгаар хоёр өдрийн турш тулалдана.
Тэмцээний аваргууд маргааш тодорно.
Тэмцээний ерөнхий шүүгчээр Монголын шатрын холбооны ерөнхий менежер,улсын шүүгч М.Гүнбаяр ажиллаж байна.
