Хүндийн өргөлтийн насанд хүрэгчдийн Ази тивийн аварга шалгаруулах тэмцээн маргааш Бахрейний Манама хотод эхэлнэ. Тус тэмцээнд манай улсаас гавьяат дасгалжуулагч Ц.Хосбаярын удирдлага дор эмэгтэй 4 тамирчин оролцохоор Бахрейнд хөл тавиад байна.
Манай улсаас 59 кг-ийн жинд "Алдар" спорт хорооны тамирчин Э.Энхтамир, 71 кг-д "Аврагч" спорт хорооны тамирчин Г.Анужин, 76 кг-д үндэсний шигшээ багийн тамирчин О.Дархийжав, - 87 кг-д гавьяат тамирчин М.Анхцэцэг нар тивийн шилдгүүдтэй өрсөлдөх юм.
