Улаанбаатар, Хөх хотын хамтын ажиллагааны хүрээнд сурагч солилцооны хөтөлбөрийг долоодугаар сарын 26-наас наймдугаар сарын 2-ны хугацаанд амжилттай хэрэгжүүллээ. Хоёр хот 1991 онд найрамдалт харилцаа тогтоосноос хойш уг хөтөлбөрийг хэрэгжүүлж эхэлсэн билээ.
Сурагч солилцооны хөтөлбөрийн хүрээнд нийслэлийн 10 сурагч Хөх хотод зочилж, соёл, ёс заншил, хөгжил, иргэдийн амьдралтай танилцахын зэрэгцээ улс орныхоо ч соёл, ахуйг сурталчлан таниулсан юм.
