Зөвд бал мэтБурууд хатгуур мэт

Олс таталтын 2024 оны насанд хүрэгчдийн улсын аварга шалгаруулах нээлттэй тэмцээн 2024 оны дөрөвдүгээр сарын 27-ны өдөр “Аварга” дээд сургуулийн дэргэдэх спорт, сургалтын төвд амжилттай болж өнгөрлөө. 

2004 оноос анх зохион байгуулагдаж, жил бүр уламжлал болон явагдаж байгаа энхүү тэмцээний зорилго нь Олс таталтын спортыг өөрийн оронд сурталчилах, багийн спортыг хөгжүүлэх, тамирчдын ур чадварын түвшинг нэмэгдүүлэх, багш, дасгалжуулагчдын харилцан туршлага солилцоход оршдог.

Тэмцээн эрэгтэй 620 кг, эмэгтэй 520 кг, холимог 580 кг гэсэн жин, төрлөөр зохион байгуулагдсан. Тэмцээнд “Аварга” дээд сургууль, Багануур дүүргийн “Уурхайчин” баг, Зэвсэгт хүчний 032 дугаар анги, Зэвсэгт хүчний 330 дугаар анги, Багануур дүүргийн БТСХорооны баг, Чингэлтэй БТСХ, УБТЗ Дархан замын 1, Дорноговь, Нийслэл Онцгой байдлын газар, Дорнод ОБГ, Багануур дүүргийн ОБ-ын Хэлтэсийн баг зэрэг 20 гаруй баг, байгууллагын 150 орчим тамирчин оролцсон юм.

Тэцээний дүн:

Эмэгтэй, 520 кг

1. Багануур БТСХ

2. “Аварга” дээд сургууль 

3. Дорноговь аймгийн баг

Эрэгтэй, 620 кг

1. Зэвсэгт хүчний 032 дугаар анги

2. Зэвсэгт хүчний 330 дугаар анги 

3. Багануур дүүргийн “Уурхайчин” баг 

Холимог, 580 кг

1. “Аварга” дээд сургуулийн I баг

2. УБТЗ Дархан замын I анги

3. Нийслэл Онцгой байдлын газар, Багануур дүүргийн ОБ-ын хэлтсийн баг