"УЛААНБААТАР-2023" Зүүн Азийн залуучуудын наадмын 3х3 сагсан бөмбөгийн тэмцээний хэсгийн сүүлийн тоглолтууд өчигдөр болж, Монгол Улсын эрэгтэй шигшээ баг нэг ч ялагдалгүй финалд шалгарсан.
Өнөөдөр манай улсын баг аваргын төлөө Хятадын шигшээтэй тоглосон. Өчигдөр Монголын баг Хятадын шигшээ багийг 21:17 харьцаатай хожсон юм. Өнөөдөр мөн манай улсын тамирчид Хятадын багийг 18:15 харьцаатай ялж, Зүүн Азийн аварга боллоо. Энэ наадмаас Монгол улс хоёр дахь алтан медалиа хүртлээ.
