2024 оны 9-р сарын 26-ны өдөр нийслэлийн 89-р цэцэрлэгийн 100 хүүхэд "Цэнгэг усны нөөц, байгаль хамгаалах төв" УТҮГ-т зочиллоо. Энэ аялал нь хүүхдүүдийн байгаль орчны талаарх мэдлэгийг нэмэгдүүлэх, байгаль орчин, ан амьтныг хайрлан хамгаалах хандлагыг төлөвшүүлэх зорилготой байв.
Хүүхдүүд Монгол орны нэн ховор, ховор амьтны музейтэй танилцан, байгаль орчныг хамгаалах талаарх видео хичээлд хамрагдлаа. Хүүхдүүдийн нас, сэтгэхүйн онцлогт тохирсон видео хичээлийг сонирхолтой хэлбэрээр хүргэж, тэдний идэвх, оролцоог ханган байгаль орчныг хамгаалах талаарх мэдлэг, ойлголтыг олгох сургалтыг мэргэжилтэн Х.Цэлмүүн, Т.Төгс-Оюун нар зохион байгууллаа.
Мөн мэргэжилтэн С.Бямбабаяр Монгол орны нэн ховор, ховор ан амьтны музейн үзмэрүүдийг танилцуулан, амьтдын нэр, онцлог, идэш тэжээлийн талаар тайлбарлаж өглөө. Хүүхдүүд музейн үзмэрүүдийг сонирхон үзэж, амьтдын талаар олон сонирхолтой мэдээлэл авсан нь тэдний байгаль орчны талаарх мэдлэгийг нэмэгдүүлэхэд чухал хувь нэмэр оруулсан юм.
