Зөвд бал мэтБурууд хатгуур мэт

2024 оны аравдугаар сарын 1-ний өдрийн 12 ордын зурхайг танилцуулж байна.

Хонь: Удаан хугацаагаар ганцаар явсан хүмүүс энгийн амьдралын хэмнэлээсээ татгалзах хэрэгтэй. Одоогийн бодит байдалдаа зөв үнэлэлт дүгнэлт хийж чадвал бүтэхгүй зүйл багасаж, амжилтыг дагуулж чадна. Хайртай хүнтэйгээ хамгийн сайхан үдшийг өнгөрүүлэх болзоо төлөвлө. Гэнэтийн бэлэг барихад тохиромжтой үе. Оройг ном унших, хөгжим сонсох зэргээр өнгөрүүлээрэй.

Үхэр: Мэдрэмж, зөн совиндоо хөтлөгдөн аливаа үйл хэргийг явуулах хэрэггүй. Ялангуяа худалдаа наймаа хийх, мөнгө төгрөг зээлэх зэрэгт сэтгэл хөдлөлөө гаргаж болохгүй. Мэдрэмж чухал ч бодит байдалдаа дүн шинжилгээ хийж сэрэмжтэй байх үе. Зарим тохиолдолд хатуу чанга байдал, тэвчээрийг үзүүлэх хэрэгтэй. Өөрт байгаа нөөц бололцоогоо зөв зохистой ашиглаарай.

Ихэр: Өөрийн оюун ухаан, зөн билигтээ итгэж найдах үе. Орлого нэмэгдэж, худалдаа наймааны ажил ашигтай байх магадлалтай. Аливаа ажлыг сайн төлөвлөж хийхэд тохиромжтой. Сайн төлөвлөгөө амьдралд тань тохиолдох бэрхшээлийг давахад туслах болно. Шинэ ажил хэргээ эртнээс сайтар төлөвлөж чадвал амжилт таных болно. Бага зэрэг чөлөөт цаг гарвал эрүүл агаарт байх нь таны тархийг сэргээнэ.

Мэлхий: Эргэн тойронд буй хүмүүсээс багагүй шүүмжлэл сонсох бололтой. Гэсэн ч эмзэглэн хүлээж авах хэрэггүй. Сэтгэл санааг өөдрөг байлгаснаар та аливаа муу үйл хэргээс ангид байж чадах юм. Үр хүүхдүүдийн баяр хөөр, дуу хуураар хөглөгдөн та өөрийгөө энэ хорвоогийн хамгийн жаргалтай хүн гэдгээ мэдрэх болно.

Арслан: Амьдралын идэвх бага зэрэг буурна. Хөндлөнгөөс ирсэн сөрөг хандлага болон эрх мэдэлтэй хүмүүстэй зөрчилдөх хэрэггүй. Өнөөдөр гаргасан алдааг дараа нь засахад хэцүү байх болно. Бусдын хоосон яриа, хий цэцэрхэлд анхаарлаа хандуулж хайран цагаа барах хэрэггүй. Та уйгагүй хөдөлмөрийнхөө үр шимийг хүртэж санхүүгийн байдлаа дээшлүүлэх боломжтой.

Охин: Зөвхөн өөрийн хүрээний, санал бодол нийлэх хүмүүстэй харилцахыг хүсэх ч өөр хүрээллийг ч өөртөө татах шаардлага гарна. Өмнөхөөс илүү хичээх боловч алдаа гаргах магадлал бас байна. Ажилдаа алдаа гаргах, буруу тооцоолох, дарга удирдлагатайгаа санал зөрөлдөх зэрэг байдал үүсэж магадгүй. Гэвч хувь заяа дахин таны талд зогсож маргаан зөрчилдөөн таны талд шийдэгдэнэ.

Жинлүүр: Бусад үеэс илүүтэй эд материал, бичиг баримтаа цэгцлэх, хувийн амьдралаа зохицуулах зэрэгт анхаарал хандуулахад таатай байна. Олон хүнтэй уулзан санал бодлоо хуваалцах нь таны хувьд ховорхон тохиох үйл явдал болно. Ямар ч тохиолдолд өөртөө хяналттай байж бусдын ятгалгад автахгүй, бодит байдалд дүн шинжилгээ хийхийг зөвлөж байна.

Хилэнц: Таны харилцаа, ажлын идэвх зүтгэл нь мөнгө санхүү болон материаллаг байдлаа сайжруулах боломж өгнө. Бүх боломжийг ашиглан зөвхөн урагшаа зүтгэхэд ашиг орлого аяндаа ирэх болно. Урлагийн салбарын хүмүүс амжилт арвинтай байхыг амлаж байна. Эрүүл мэнд тань айдас түгшүүр, шаналалтай байдлаас болж муудаж магадгүй.

Нум: Ихэнх хүмүүс нь эд хөрөнгөтэй холбоотой асуудлаар хөөцөлдөх өдөр бололтой. Ямар ч тохиолдолд өөдрөг үзэл, идэвхтэй байдлаа бүү алдаарай. Санхүүгийн асуудалд орох магадлал өндөр байгаа тул та бүхий л цаг хугацаанд анхаарал болгоомжтой байхыг зөвлөж байна. Мөн эрсдэлтэй аз сорьсон ажлаас зайлсхийхийг зөвлөж байна.

Матар: Шинэ зүйлийг сонирхох, турших нь тааламжтай бус байна. Харин өмнө нь эхлүүлсэн ажлын үр дүн бүтэмжтэй байна гэдэгт итгэлтэй байж болно. Хэн нэгнээс урвалт мэдрэх нь таны сэтгэл санааг тогтворгүйтүүлнэ. Хов жив, цуу ярианд өртөх болон төсөөлж байгаагүй зүйлтэй холбогдох зэрэг нь ажил хэрэгт нэлээд саад болохыг анхаарах хэрэгтэй бололтой.

Хумх: Өөрт байгаа бүхий л хүч бололцоогоо дайчлан шаргуу ажиллахыг зөвлөж байна. Таныг томоохон өөрчлөлт хүлээж байна. Энэ нь ялангуяа хувийн амьдралд илүү нөлөөтэй байна. Сайхан мэдээ хүлээж авна. Энэ нь ажиллах, урагшлах эрч хүчийг бэлэглэх болно. Хамт олон болон дарга удирдлагын зүгээс танд төрөл бүрийн тусламж дэмжлэг өгөх болно.

Загас: Ажил мэргэжлийн байдал тань олны анхаарлын төвд байх тул цаг үргэлж хянамгай байдлыг шаардана. Таны мэдлэгийг сорих үүрэг даалгавартай тулгарах ч оюуны чадамж хир сайн байгааг харуулж чадна. Хамт олны дунд таны гүйцэтгэх үүрэг багагүй байдаг тул өөрийн бүх боломжоороо зүтгэхийг зөвлөж байна.