АДМИН
МАН-ын Удирдах зөвлөл өнөөдөр хуралдаж, Засгийн газрын гишүүдийг томилох асуудлыг хэлэлцэнэ.
Тодруулбал, Монгол Улсын Ерөнхий сайдаар ажиллаж байсан У.Хүрэлсүх өнгөрсөн долоо хоногт үүрэгт ажлаа хүлээлгэн өгөх хүсэлтийг УИХ-д хүргүүлж, улмаар чуулганаар баталсан юм. Үүний дагуу МАН-ын Удирдах зөвлөл болон Бага хурлаас Ерөнхий сайдад Л.Оюун-Эрдэнийг нэр дэвшүүлж, энэ сарын 27-нд томилсон. Улмаар өнөөдөр МАН-ын Удирдах зөвлөл хуралдаж, Засгийн газрын гишүүдийг томилох асуудлыг хэлэлцэхээр төлөвлөсөн гэдгийг УИХ дах МАН-ын бүлгийн дарга Д.Тогтохсүрэн чуулганы өнөөдрийн ээлжит хуралдааны үеэр мэдээллэсэн билээ.
Удирдах зөвлөлийн хуралд УИХ дахь МАН-ын бүлгийн 20 гаруй гишүүн оролцдог тул чуулганы үдээс өмнөх хуралдааныг түр завсарлуулах хүсэлт гаргасныг УИХ-ын дарга хүлээн авлаа.
Дашрамд дурдахад, Засгийн газрын гишүүдийг өнөөдөр УИХ-ын чуулганы хуралдаанд танилцуулж, тангараг өргүүлэхээр төлөвлөсөн юм. Үүний дараа УИХ-ын ээлжит чуулганыг хаана.
|
Нийгэм
