АДМИН
Дулааны шугам сүлжээний худагт халуун усны хоолой задарч 3 иргэн нас барсан гэсэн мэдээллийн дагуу ЦЕГ-н хэвлэл мэдээллийн төвөөс тодруулга өглөө.
"Өчигдөр буюу 2021-02-08 ны өдрийн 23:00 цагийн орчимд БГД-ын 6-р хороо 19-р байрны дулааны шугам задарч 3-н хүн түлэгдэж нас барлаа гэсэн дуудлага цагдаагийн байгуулгад бүртгэгдсэн. БГД-н Цагдаагийн 2-р хэлтэс бусад байгууллагатай хамтарсан хэргийн газрын үзлэгийг хийсэн. Хэргийн газар 5-н хүн байсан бөгөөд 3 нь нас барсан, 2 нь биедээ тодорхой хэмжээний гэмтэл авсан учраас Гэмтэл Согог Судлалын эмнэлэгт эмчлүүлж байна.
Шалгалтын ажиллагаагаар БЗД-т оршин суух хаягтай иргэн 41 настай У, эрэгтэй Э мөн нэг иргэн хэн болох нь тодорхойгүй байна. Биедээ тодорхой төрлийн гэмтэл авсан 2 хүн хоёулаа эрэгтэй нэг нь Дархан-Уул аймгийн харьяа 47 настай, нэг нь Ховд аймгийн харьяа 26 настай Ц болох нь тогтоогдсон. Тухайн 5-н этгээд нь тодорхой оршин суух хаяггүй, гэр оронгүй гэж тогтоогдлоо" гэлээ.
|
Нийгэм
