АДМИН
Өнгөрсөн 24 цагийн хугацаанд 38409 иргэнд шинжилгээ хийхэд 28 тохиолдол шинээр бүртгэгдэж нийт батлагдсан тохиолдол 2444 болов. Эдгээр тохиолдлуудаас 1 нь Нэг өрх-Нэг шинжилгээнээс илэрсэн бол бусад 27 тохиолдол нь өмнөх батлагдсан тохиолдлуудын ойрын хавьтагч байна. Сүүлийн 5-6 хоногт тархалттай байгаа томоохон голомтыг хяналтад авсан. Тухайлбал, “Х апартмент”,СХД-ийн 21 дүгээр хорооны худалдааны төв, Банк бус санхүүгийн байгууллага, гутлын цех, Элизабет хотхон зэрэгт гарсан том том голомт бүртгэгдсэнийг хяналтдаа авчээ.
Одоогоор өчигдөр бүртгэгдсэн БЗД-ийн 36 дугаар байр буюу 16 дугаар хорооллын орчим, Нийслэлийн “Амгалан” амаржих газар, “Цахиур төмөр” ХК-тай голомт идэвхтэй үргэлжлэн явагдаж байгаа аж. Ялангуяа “Монгол шир” ХК-тай холбоотой голомт үргэлжлэн 139 тохиолдол болжээ. Тэдний ажилчдаас 20-иод хүн өвчилснөөр гэр бүл, найз нөхдийн хүрээнд халдвар тархсан байна. Одоогоор ойрын хавьтал 799, хоёрдогч хавьтал 1551 хүн байгаа гэдгийг ХӨСҮТ-ийн ТСА-ны дарга А.Амбасэлмаа мэдээллээ.
|
Нийгэм
