АДМИН
ХАВРЫН ТЭРГҮҮН ЦАГААН БАР САРЫН ХОЁР ХАР ШАРАГЧИН ГАХАЙ ӨДӨР
Үс засуулвал: Нас уртасна.
Наран ургах, шингэх: 07.50-18.22
Барилдлага: Шид
Шүтэн барилдлага: Авахуй
Суудал: Огторгуй
Аргын тооллын 2 сарын 20, Санчир гараг. Билгийн тооллын 8, Чөлөөт эх одтой, шарагчин гахай өдөр. Өдрийн наран 7 цаг 50 минутад мандан, 18 цаг 22 минутад жаргана. Тухайн өдөр хонь, туулай жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэв дэвших, хараал, жатхыг буцаах, нялхсын хурим хийх, огторгуйн үүдийг боох, их хүмүүнтэй уулзахад сайн. Газар ухах, худаг гаргах, балгадын суурь тавих, нохой худалдан авахад муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод зүүн хойш мөрөө гаргавал зохистой. Үс шинээр үргээлгэх буюу засуулбал нас уртадна.
|
Нийгэм
