Хөл хүнд болон хөхүүл ээжүүдийг Астразенека, Файзер, Вироцелл вакцинаас сонголтоороо хийлгэх боломжийг олгохоор төлөвлөжээ

Шадар сайд өнөөдөр /2021.06.06/ цар тахлын нөхцөл байдал болон Вакцинжуулалтын асуудлаар Эрүүл мэндийн яаманд ажиллалаа.

Өнгөрөгч 7 хоногийн тайлан судалгаа мэдээлэлд үндэслэн, тандалт хариу арга хэмжээний талаар салбарын мэргэжилтнүүд зөвлөлдөв.

Өнөөдрийн байдлаар орон даяар вакцины 2-р тунгийн хамрагдалт 72 хувьд хүрсэн бөгөөд 06 дугаар сарын 15 гэхэд энэ үзүүлэлтийг 90 хувьд хүргэхээр ажиллаж байна.

Улсын хэмжээнд 54 мянган жирэмсэн эхчүүд вакцинд хамрагдаагүй байгаа учраас хөл хүнд болон хөхүүл ээжүүдийг удахгүй Астразенека, Файзер, Вироцелл вакцинаас сонголтоороо хийлгэх боломжийг олгохоор төлөвлөжээ.

Харин одоо вакцин хийлгээгүй эрсдэлт бүлэг буюу 0-17 насны хүүхдүүдийн дундах халдвар өдөр ирэх тусам нэмэгдэж, нийт тохиолдлын 27.5 хувьд хүрээд буйг хаана хаанаа анхаарах нь чухал байгааг энэ үеэр онцолж байлаа.

“Ковид-19”-ийн халдварын улбаатай нас баралтын шалтгаан, нөхцөлийг эмнэлзүйн шинж тэмдэг, суурь өвчлөл тус бүрээр нарийвчлан тогтоож, эрсдэлийн үеийн хариу арга хэмжээг шуурхай авч хэрэгжүүлэхийг Шадар сайд үүрэг болгов.

Мөн гаднын цөөнгүй оронд мутацлагдсан хувилбар дэгдсэнтэй холбогдуулан цар тахлын эмчилгээний ямар шинэ арга тактик нэвтэрсэн, ямар үр дүн үзүүлж буйг судалж, Монголд нэвтрүүлэх талаар судалгаа тооцоог яаралтай хийж, идэвхтэй ажиллахыг салбарын мэргэжилтнүүдэд хугацаат үүрэг даалгавар өглөө.

Хөл хүнд болон хөхүүл ээжүүдийг Астразенека, Файзер, Вироцелл вакцинаас сонголтоороо хийлгэх боломжийг олгохоор төлөвлөжээ

Санал болгох мэдээ

Онцлох мэдээ

ТАТВАРЫН ДАРАМТААС ЧӨЛӨӨЛӨХ ХУУЛИЙН ТӨСЛҮҮДИЙГ ӨРГӨН МЭДҮҮЛЭВ

СУРАГЧИД ГОЛЫН ХОГ ХАЯГДЛЫГ ЦЭВЭРЛЭХ ТӨХӨӨРӨМЖ БҮТЭЭЖЭЭ

ЗАСГИЙН ГАЗРЫН ӨНӨӨДРИЙН ХУРАЛДААНААС ГАРСАН ШИЙДВЭРҮҮД

ДОПИНГИЙН ХЯНАЛТЫН 27 СОРЬЦЫГ ҮНДЭСНИЙ БӨХИЙН ТАМИРЧДААС ЦУГЛУУЛЛАА

ЗАСГИЙН ГАЗАР ХУРАЛДАЖ БАЙНА