АДМИН
Налайх дүүргийн Иргэдийн оролцоотой Соёлын жилийн хүрээнд БНХАУ-ын Эрээн хотноо "Налайхын-2023" өдөрлөгийг зохион байгуулан явууллаа.
Энэхүү өдөрлөгөөр 2 хотын хамтын ажиллагааг өргөжүүлэх, Налайх дүүргийн Жижиг дунд, үйлдвэрлэл эрхлэгчдийн бараа бүтээгдэхүүнийг БНХАУ-ын Эрээн хотын зах зээлд танилцуулах, сурталчилах, борлуулалтыг нэмэгдүүлэх, цаашдаа үйлдвэрлэл эрхлэгчид бараа бүтээгдэхүүнээ Эрээн хотын зах зээлд нийлүүлэх боломжийг бий болгох зорилго дор явагдлаа.
"Налайхын-2023" өдөрлөгийг Дүүргийн ЗДТГ, Налайх дүүргийн Жижиг дунд үйлдвэрлэлийг дэмжих төв, Дүүргийн Хөдөлмөр, халамжийн үйлчилгээний хэлтэс хамтран зохион байгууллаа.
Дээрх өдөрлөг үйл ажиллагааны нээлтэд Дүүргийн ИТХ-ын дарга П.Нарантуяа, Дүүргийн Засаг дарга Ч.Раднаабазар, БНХАУ-ын Эрээн хотын орлогч дарга Ван Дун Шэй болон бусад төлөөлөл, уран бүтээлчид, үйлдвэрлэл эрхлэгч нар оролцлоо.
"Налайхын-2023" өдөрлөгөөр 2 хотын уран бүтээлчдийн урлаг соёлын тоглолт, Жижиг дунд үйлдвэрлэгчдийн бараа бүтээгдэхүүний худалдаа, гар урлалын галерейн үзэсгэлэн худалдаа зэрэг боллоо.
|
Нийгэм
