АДМИН
Улаанбаатар хотод хоногт 2500-3000 тонн жилдээ 1,5 сая тонн хог үүсдэг. Үүний 71,4 хувийг ландфилийн аргаар булж устгаж байна. Хүн ам нэмэгдэхийн хэрээр хог хаягдлын хэмжээ цаашид улам нэмэгдэнэ. Хотын зүгээс хог хаягдлыг дахин боловсруулах, ашиглах, түүнээс эрчим хүч үйлдвэрлэх замаар хог хаягдлыг эдийн засгийн эргэлтэд оруулж, байгалийн нөөц баялгийг хэмнэх асуудалд анхаарал тавин ажиллаж байна. Ингэснээр хог өөрөө баялаг болох боломжтой болох юм.
Өчигдөр /2023.06.20/ Улаанбаатар Хотын Ерөнхий менежер М.Баяраа хог хаягдлыг шатааж, эрчим хүч үйлдвэрлэх төсөл хэрэгжүүлэх хүсэлтэй Тайж групп ХХК, Чайна повер ХХК-тай уулзаж, үйлдвэр байгуулах төслийн урьдчилсан судалгаа, шаардагдах хөрөнгийн эх үүсвэр, хэрэгжүүлэх боломжит нөхцөлийн талаар санал солилцлоо.
|
Нийгэм
