АДМИН
BLAST.tv Austin Major 2025 тэмцээнд Vitality багийн эсрэг Mongolz өнөө шөнө 03:30 цагт Grand Final Bo3 тоглолтоо хийнэ.
Хотын дарга Х.Нямбаатар Сүхбаатарын талбай болон Үндэсний соёл амралтын хүрээлэнд шууд дамжуулалтаар тус тоглолтыг үзүүлэхээр болсноо мэдээлэв.
Тэрбээр "АНУ-ын Аустин хотод болж буй CS-2 Major тэмцээнд манай The Mongolz баг өнөө өглөө Бразилын Pain багтай өрсөлдөж, финалд шалгарсан. Тус тэмцээний түүхэнд аваргын төлөө шалгарсан анхны Ази баг болсон тэд маань зургадугаар сарын 22-23-нд шилжих шөнө 03:30 цагаас Vitality багийн эсрэг цомын төлөө өрсөлдөнө. Уг тоглолтыг Сүхбаатарын талбай болон Үндэсний соёл амралтын хүрээлэнгийн “Happy park”-д шууд дамжуулан үзүүлэхээр бэлтгэл ханган ажиллаж байна.
НЗДТГ-ын зүгээс цахим спортыг дэмжих, хөгжүүлэх хүрээнд Монголын И-Спортын холбоотой хамтран "Nomadic Masters" олон улсын тэмцээнийг 2 удаа зохион байгуулсан. Цаашид хамтын ажиллагаагаа өргөжүүлнэ гэдгийг энэ ташрамд дуулгая.
Үзвэрийн үеэр согтууруулах ундаа хэрэглэхгүй, бусдадаа хүндэтгэлтэй хандахыг залуустаа уриалж байна" гэв.
Ингээд тус тоглолтыг Дархан-Уул аймаг, Ховд аймаг, Мөсөн өргөө, Zaisan Hill зэрэг газруудад шууд дамжуулан үзүүлэхээр болоод байна.
|
Нийгэм
