АДМИН
Зургаадугаар сарын сүүлээр долдугаар сарын эхээр гэнэтийн дуу цахилгаатай аадар, мөндөр орох, борооны өмнө хүчтэй нөөлөг салхитай байх ба 7, 8 дугаар сард олон жилийн дунджаас илүү хур тунадас орох урьдчилсан төлөвтэй байгааг ЦУОШГ-аас мэдээлсэн. Тиймээс болзошгүй үер усны аюулаас сэргийлэх дараах зөвлөмжийг хүргэж байна.
-Сууц, гэрийн усны урсгал орж болох газрыг хаах
-Цонх, хаалга, дээврээ шалгаж, ус гоожихоос сэргийлэх
-Гол, горхины ойролцоо буух, хоноглох, гол гатлахгүй байх
-Хөрсний гулсалт үүсэж болзошгүй өндөрлөг газар, налуу, гулгамтгай хөрс бүхий замаар явахгүй байх
-Онцгой байдлын албанаас гаргасан сэрэмжлүүлэг, анхааруулгыг дагах
-Ус орж болзошгүй цахилгаан хэрэгслүүдийг салгах
-Үер, усны аюулаас хамгаалах далан, суваг, шуудуу, хашлага барих
-Чухал бичиг баримт, үнэт зүйлсээ үерийн усанд урсах, норохоос хамгаалсан найдвартай газар хадгалах
-Цэвэр ус болон хүнсний нөөц, дулаан хувцсыг усанд автахааргүй орчинд хадгалах
-Өндөр хүчдэл, цахилгааны дор гэр, сууцаа барихгүй байх
-Үерийн улмаас бохирдож, нөөцөд нь нөлөөлөх магадлалтай цэвэр усны худаг, цэвэр усны эх үүсвэрийг яаралтай хамгаалалттай болгох
-Амралт зугаалгын улирал эхэлсэнтэй холбогдуулан томоохон гол мөрний эрэг дагуу амарч байгаа иргэдэд үер, усны аюулын талаар сэрэмжлүүлгийг өгөх
-Хүүхдийг хараа хяналтгүйгээр гол мөрөн, нуур, цөөрмийн орчимд тоглуулахгүй, мөн ганцааранг нь орхихгүй байх
|
Нийгэм
