АДМИН
Фото зургийг | MPA
Өнгөрсөн 1 хоногийн /2025.06.26-27/ цаг агаарын ажиглалтын мэдээний тойм мэдээг танилцуулж байна.
Хур тунадас: Өнгөрсөн хоногт баруун болон говийн аймгуудын нутгийн зарим газар, төв болон зүүн аймгуудын ихэнх нутгаар 0.0-18.0 мм бороо, дуу цахилгаантай аадар бороо орсон байна. Үүнээс хоногийн нийлбэрээр хамгийн их нь Сэлэнгийн Баянголд 18.0 мм, Төв аймгийн Жаргалант, Өвөрхангайн Хайрхандулаанд 15.0 мм, Өмнөговийн Ноёнд 14.0 мм, бусад нутгаар 0.0-12.0 мм бороо, дуу цахилгаантай аадар бороо орсон байна.
Агаарын хамгийн их температур: Өчигдөр өдөр нутгийн төв хэсгээр 1-13 градусаар сэрүүсэж, Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс, Орхон голын хөндийгөөр +18…+26 градус, Их нууруудын хотгор, говийн бүс нутгийн зүүн хэсэг, Дорнод-Дарьгангын тал нутаг, Онон, Улз, Халх голын сав газраар +33…+39 градус, бусад нутгаар +26…+33 градус дулаан байв.
Агаарын хамгийн бага температур: Өнгөрсөн шөнө Алтай, Хангай, Хөвсгөлийн уулархаг нутаг, Завхан голын эх, Хүрэнбэлчир орчмоор +6…+11 градус, Их нууруудын хотгор, Орхон-Сэлэнгийн сав газар, говийн бүс нутгийн өмнөд хэсэг, Дорнод-Дарьгангын тал нутаг, Онон, Улз, Халх голын сав газраар +17…+24 градус, бусад нутгаар +12…+17 градус дулаан хоносон байна.
Салхи: Ихэнх нутгаар секундэд 6-11 метр, говь, тал, хээрийн нутгаар зарим үед секундэд 20-22 метр, түр зуур секундэд 30 метр хүрч ширүүссэн байна.
Улаанбаатар хот орчмоор: Өчигдөр өдөр 0.4-5.0 мм дуу цахилгаантай аадар бороо орсон байна. Өнгөрсөн шөнө бороо ороогүй. Салхи зүүн өмнөөс секундэд 6-11 метр. Агаарын температур өчигдөр өдөр +30…+32 градус, өнгөрсөн шөнө +14…+16 градус дулаан хоносон байна.
|
Эх сурвалж
| УЦУОШГ
|
Нийгэм
