АДМИН
Тулгар төрийн 2234, Их Монгол Улсын 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104 жилийн ойг тохиолдуулан Урьдчилан сэргийлэх албанаас эрхэлсэн ажилдаа идэвх зүтгэл гарган ажилласан алба хаагчдад цол олгож, шагнал гардуулах хүндэтгэлийн арга хэмжээ боллоо.
Энэхүү ёслолын үйл ажиллагаанд Урьдчилан сэргийлэх албаны дарга, цагдаагийн хурандаа Г.Арсланхуяг, Дэд бөгөөд Захиргааны удирдлагын хэлтсийн дарга, цагдаагийн дэд хурандаа Г.Мөнхбаяр болон алба хаагчид оролцов.
Тэмдэглэлт баярыг тохиолдуулан бие бүрэлдэхүүнээс Хууль зүй, дотоод хэргийн яамны “Хүндэт жуух бичиг”-ээр 3, Цагдаагийн байгууллагын шагналаар 9, “Цагдаагийн дэд хурандаа”-1, “Цагдаагийн хошууч”-3, “Цагдаагийн ахмад”-3, “Цагдаагийн ахлах дэслэгч”-3, “Цагдаагийн дэслэгч”-1, “Цагдаагийн ахлах ахлагч” цолоор 1 алба хаагч тус тус шагнагдсан юм.
|
Нийгэм
