Монгол Улсын Ерөнхийлөгч Ухнаагийн Хүрэлсүрх Тулгар төрийн 2234, Их Монгол Улс байгуулагдсаны 819, Үндэсний эрх чөлөө, тусгаар тогтнолоо сэргээн мандуулсны 114, Ардын хувьсгалын 104, Ардчилсан хувьсгалын 35 жилийн ойг тохиолдуулан зарлиг буулган, нэр бүхий эрхмүүдэд төрийн дээд цол, одон, медаль хүртээлээ. МУГЖ Г.Батбаяр Монгол улсын Ардын жүжигчин цол хүртлээ. 

Монгол Улсын Ардын жүжигчин Г.Батбаяр: Баярлалаа. Маш сайхан байна. Монголынхоо ард түмэнд баярлалаа. Өнөөдрийн шагналыг хүртэхэд маш их дэм болсон Хязгаарын цэргийн ансамблийн, Цэргийн дуу бүжгийн чуулгын нийт уран бүтээлчдэдээ баярлалаа гэж хэлмээр байна. Баярлалаа та бүхэндээ. Монголын минь ард түмэн элгээрээ энх амгалан төрлөөрөө түвшин амгалан сайхан наадаарай гэж ерөөе. Ерөнхийлөгч надад мориныхоо уран бүтээл олныг дуулаарай гэж захисан. Морины уран бүтээл олныг дуулсан болохоор ард түмэн надад “Морины Батбаяр”  гэдэг нэрийг хайрласан. 40 гаруй жил дуулсны маань хүч өнөөдөр гарч байна гэж бодож байна. Баярлалаа та бүхэндээ. Намайг дэмжиж ард минь байсан аав ээж, ханьдаа баярлалаа. Миний 45 жилийн хөдөлмөр, 115 морины тухай дуу дуулсан хүч хөдөлмөр минь юм болов уу.