АДМИН
Японы эзэн хаан Нарүхито, албаны бүрэлдэхүүний хамтаар 2025 оны 7 дугаар сарын 10-ны өдөр Монголын Бурханы Шашинтны Төв Гандантэгчэнлин хийдэд зочиллоо.
Эзэн хааныг Гандантэгчэнлин хийдийн тэргүүн их хамба, 30 дахь хамба номун хан, гэвш лхаарамба Д.Жавзандорж, дэд хамба, гавж С.Гантөмөр нар болон хийдийн тэргүүлэгч лам хуврагууд хүндэтгэлтэйгээр угтан авсан юм.
Эзэн хаан Нарүхито Монгол төр түмний Жанрайсэг шүтээн, Батцагаан цогчин дуганаар зочилж, тус хийдийн соёлын үнэт өв, утга агуулгатай танилцав.
Монгол, Японы харилцааны түүхэнд тэмдэглэгдэх энэхүү түүхэн айлчлал нь хоёр ард түмний найрамдал, харилцан хүндэтгэлийг илтгэх онцгой жишээ болж байна.
|
Нийгэм
