АДМИН
Баянзүрх дүүргийн 20 дугаар хороо, Их амны задгайд зуслан дээрээс иргэн /63 настай эрэгтэй/ 2025 оны 07 сарын 11-ны өдөр 09 цагийн үед "Гол орно" гэж гараад ор сураггүй алга болсон дуудлагыг 07 сарын 12-ны өдрийн 16:40 цагт Налайх дүүргийн Онцгой байдлын хэлтэс хүлээн авчээ.
Эрэн хайх, аврах бүлгийн дарга, дэслэгч Н.Мөнх-Одоор ахлуулсан 15 алба хаагч, Хүүхэд гэр бүл хөгжил, хамгааллын хэлтсийн 2 алба хаагч, Дүүргийн Цагдаагийн хэлтсийн 2 алба хаагч, 2 автомашин, 1 завь, 1 мотоцикл, багаж хэрэгсэлтэй эрлийн ажиллагаа, хуурай газар болон голын усанд түргэн шуурхай зохион байгуулсан байна.
Эрэл 2 өдөр үргэлжилж 2025 оны 07 сарын 13-ны өдрийн 13:40 цагт тус иргэнийг алга болсон газраас 1,8 км зайд төөрсөн байдалтай байхад нь олж, ар гэрийнхэнд нь хүлээлгэн өглөө.
|
Эх сурвалж
| Налайх дүүргийн Онцгой байдлын хэлтэс
|
Нийгэм
