Улсын хэмжээнд 2025 оны зургадугаар сард нийт 295,704 зөрчил бүртгэгдсэн нь өмнөх сартай харьцуулахад 20.8 хувиар буурсан эерэг үзүүлэлттэй гарлаа. Бүртгэгдсэн зөрчлийн 78.2 хувь нь нийслэлд, 21.8 хувь нь орон нутагт бүртгэгдсэн байна.

Цагдаагийн байгууллагын бүрэн эрхийн хүрээнд эдгээр зөрчлийн 99.7 хувь нь шийдвэрлэгдсэн бол үлдсэн 1.3 хувийг нь Гааль, Татвар, Гадаадын иргэн, харьяатын газар, Онцгой байдлын байгууллага шалгаж шийдвэрлэсэн байна.

Шийтгэл оногдуулах байдал:

• Зөрчил гаргасан 293,904 иргэнд шийтгэл оногдуулсан нь өмнөх сараас 21.2 хувиар буурсан.

• 1210 хуулийн этгээдэд шийтгэл оногдуулсан нь мөн 3.8 хувиар буурсан үзүүлэлттэй байна.

• Шийтгэл авсан иргэдийн 73.4 хувь нь эрэгтэй, 26.6 хувь нь эмэгтэй байжээ.

• Насны хувьд авч үзвэл, шийтгэл авсан иргэдийн 61.2 хувь нь 26–45 насны хүмүүс байв.

Шийдвэрлэлтийн хэлбэр:

• 283,056 зөрчил газар дээр нь шийдвэрлэгдсэн.

• 2.6 хувь нь хялбаршуулсан журмаар, 1.3 хувь нь шүүхээр шийдвэрлэгдсэн байна.

Зөрчлөөс үүдсэн хохирол:

Зөрчлүүдийн улмаас нийт 3.8 тэрбум төгрөгийн хохирол учирсан бөгөөд үүнээс 2.6 тэрбум төгрөгийг нөхөн төлүүлжээ.

Өссөн, буурсан зөрчлүүд:

Өссөн зөрчил:

• Хүний биед халдах зөрчил – 45.5%

• Замын хөдөлгөөний хууль зөрчих – 44.4%

• Гаалийн хууль зөрчих – 43.3%

• Оршин суугчдын амгалан тайван байдлыг алдагдуулах – 41.6%

• Олон нийтийн газар зүй бусаар биеэ авч явах – 37.7%

• Төрийн албан тушаалтны үйл ажиллагаанд саад учруулах – 43.4%

• Хүүхдийн эрхийн зөрчил – 40.7%

• Хулгайлах зөрчил – 11.1%

• Мөрийтэй тоглох зөрчил – 5%

Буурсан зөрчил:

• Танхайрах зөрчил – 44.7%

• Гамшгаас хамгаалах тухай хуулийн зөрчил – 25%

• Гэр бүлийн хүчирхийлэлтэй холбоотой зөрчил – 0.4%

Эдгээр тоон үзүүлэлтүүд нь хууль сахиулах байгууллагуудын хяналт шалгалтын үйл ажиллагааны үр дүн, мөн олон нийтийн эрх зүйн ухамсар, нийгмийн хариуцлагын түвшинтэй шууд холбоотойг харуулж байна. Цаашид зөрчлийн тоог бууруулах, нийгмийн хэв журмыг сахиулахын тулд иргэн бүрийн оролцоо, хамтын хүчин чармайлт чухал хэвээр байна.