Завхан аймгийн Эрдэнэхайрхан сумын нутаг дахь Улаагчийн хар нуурт нэг иргэн сэлж байхдаа амь насаа алдсан харамсалтай хэрэг гарлаа.

Аялал, амралтын улирал ид үргэлжилж буй энэ үед гол, нуурын усанд осолдсон тохиолдол нэмэгдэж буйг холбогдох байгууллага анхааруулж байна. Тиймээс иргэд дараах аюулгүй байдлын зөвлөмжийг мөрдөхийг онцгойлон сануулж байна:

• Согтууруулах ундаа хэрэглэсэн үедээ усанд орохгүй байх

• Бага насны хүүхдийг заавал харгалзах хүнтэй байлгах

• Сэлж чаддаг ч гэлээ болгоомжтой байж, хамгаалалтын хэрэгсэлтэй орох

• Булчин, шөрмөс татсан үед усанд орохгүй байх

• Түргэн урсгалтай, гүнзгий усанд сэлэхээс зайлсхийх

• Хийлдэг гудас, завь зэргээр усанд орж эрсдэл үүсгэхгүй байх

• Баталгаат зам, гүүрээр зорчих

Амралт зугаалгын цагт анхаарал, болгоомж алдвал амь нас, эрүүл мэндээрээ хохирох эрсдэлтэйг мартаж болохгүй. Аюулгүй байдлаа хангаж, бусдад сануулж байх нь хүн бүрийн үүрэг юм.