АДМИН
Саяхан Солонгосоос гоо сайхны бараа оруулж ирдэг нэгэн эмэгтэйтэй танилцлаа. Бараа нь улсын лабораториос чанарын баталгаажуулалт авсан, өмнө нь олон удаа гаалиар асуудалгүй орж ирж байсан гэнэ.
Гэсэн ч хилээр орох, гарах бүрд яг ижил бичиг баримтаа дахин бүрдүүлж, дахин тайлбарлаж, дахин хүлээлгэж суух хэрэгтэй болдог гэнэ.
“Бараагаа биш, өөрийгөө тайлбарлаад л яваад байна” гэж хэлэхэд үнэхээр гомдмоор санагдлаа.
Эх орондоо Бизнес эрхлэх гэж ингэж үйлээ үзэх хэрэг байна уу?
Бид мэдээллийн эринд амьдарч байна гэж яриад байдаг.
Гэтэл нэгэнт бүрдүүлсэн, баталгаажсан мэдээллээ төр өөрөө системдээ хадгалахгүй, хүнээсээ дахин дахин шаардаж, тайлбарлуулж суудаг нь хэтэрхий хоцрогдолтой биш үү?
Бизнес эрхлэхэд хангалттай саад байдаг. Үүнийг төр өөрөө улам хүндрүүлээд байвал урагшлах уу, ухрах уу?
Хүнд суртал бол зөвхөн бичиг цаасны асуудал биш шүү.
Нэг бүрдүүлсэн мэдээллээ дахин шаардахгүй байх системтэй, итгэлтэй төр хэрэгтэй байна.
|
Нийгэм
