Цаг уур, орчны шинжилгээний газраас мэдээлснээр 2025 оны наймдугаар сарын 2-нд төвийн аймгуудын нутгийн баруун хэсэг, зүүн аймгуудын нутгийн зүүн хэсэг болон говийн аймгуудын зарим газраар аадар бороо орно.

Ихэнх нутгаар солигдмол үүлтэй байх ба салхи баруунаас секундэд 5-10 метр, борооны өмнө түр зуур ширүүсэх төлөвтэй байна.

Агаарын температур:

• Монгол-Алтай, Хангай, Хөвсгөлийн уулархаг нутгаар +19...+24 градус

• Говийн баруун өмнөд хэсгээр +32...+37 градус

• Орхон-Сэлэнгийн сав газар болон говийн хойд, зүүн хэсгээр +27...+32 градус

• Бусад нутгаар +23...+28 градус байна.

Улаанбаатар хот орчимд үүлшинэ, бороо орохгүй, салхи баруунаас секундэд 5-10 метр, өдөртөө +24...+26 градус дулаан байна.
Багануур орчимд мөн бороо орохгүй, +23...+25 градусын дулаан хэмтэй байна.

Наймдугаар сарын 1-нээс 10-ны хооронд:

• Хур тунадас 3, 4, 5, 6, 7, 8, 9, 10-ны өдрүүдэд нутгийн зарим болон ихэнх хэсгээр орох төлөвтэй байна.

• Салхи ихэнх хугацаанд секундэд 5-10 метр байх ч борооны өмнө түр зуур ширүүснэ.

• Агаарын хэм уулархаг болон хойд нутгаар шөнөдөө +3...+8, өдөртөө +16...+21 градус, говьд шөнөдөө +18...+23, өдөртөө +29...+34 градус, бусад нутгаар шөнөдөө +10...+15, өдөртөө +22...+27 градус дулаан байх ажээ.

Улаанбаатар хот орчимд 4, 7-ны өдөр бороо орж, бага зэрэг сэрүүснэ. Сэрүүсэх үед шөнөдөө +4...+9, өдөртөө +20...+25 градус, бусад үед шөнөдөө +9...+14, өдөртөө +23...+28 градус дулаан байна.