Өнгөрсөн 7 хоногт ихэнх нутгаар 0.0-39.0 мм бороо, дуу цахилгаантай аадар бороо орсон байна.

Тухайлбал 28-нд баруун аймгуудын нутгийн хойд хэсгээр 0.0-3.0 мм, 29-нд баруун аймгуудын нутгийн зүүн, төвийн аймгуудын нутгийн баруун хэсэг, говийн аймгуудын нутгийн хойд хэсгээр 0.0-19.0 мм, 30-нд нутгийн хойд хэсгээр 0.0-22.0мм, 31-нд баруун болон зүүн аймгуудын нутгийн хойд хэсэг, төвийн аймгуудын ихэнх нутаг, говийн аймгуудын нутгийн баруун болон хойд хэсгээр 0.0-23.0 мм бороо оржээ.

Харин 08-р сарын 01-нд баруун аймгуудын нутгийн хойд болон зүүн хэсэг, төвийн аймгуудын нутгийн баруун хэсэг, зүүн аймгуудын нутгийн хойд хэсэг, говийн аймгуудын нутгийн баруун болон хойд хэсгээр 0.0-11.0 мм, 02-нд баруун аймгуудын нутгийн хойд хэсэг, төвийн аймгуудын нутгийн зарим газар, зүүн аймгуудын ихэнх нутгаар 0.0-13.0 мм, 03-нд баруун аймгуудын нутгийн хойд хэсэг, төв болон зүүн аймгуудын нутгийн зарим газар, говийн аймгуудын нутгийн баруун хэсгээр бороо, дуу цахилгаантай аадар бороо орсноос 7 хоногийн нийлбэрээр хамгийн их нь Дорнодын Хэрлэнд 39.0 мм, Баян-Уулд 37.0 мм, Говь-Алтайн Эрдэнэд 37.4 мм, Орхон аймгийн Жаргалантад 35.1 мм, Баянхонгорын Галуутад 35.0 мм, Архангайн Өгийнуур, Төвшрүүлэх, Батцэнгэл, Өвөрхангайн Бат-Өлзий, Уянга, Дорнодын Сэргэлэн, Халхголд 33.0-33.4 мм, бусад нутгаар 0.0-32.5 мм бороо орсон байна.