АДМИН
УИХ-ын гишүүн, Засгийн газрын гишүүн, Батлан хамгаалахын сайд Д.Батлут тэргүүтэй ажлын хэсэг Батлан хамгаалах яамны харьяа:
- Батлан хамгаалах аж үйлдвэрийн нэгдэл
- "Соёмбо" цэвэр усны үйлдвэр
- "Зэв" улсын төсөвт үйлдвэрийн газрын үйл ажиллагаатай танилцлаа.
Төр засгаас улс орныг батлан хамгаалах чиглэлээр хэрэгжүүлж буй бодлогын хүрээнд:
- Зэвсэглэл, техникийн шинэчлэлтийн ажлын хүрээнд худалдан авалт хийх,
- зарим төрлийн бүтээгдэхүүнийг дотооддоо үйлдвэрлэх нөхцөлийг хангах,
- яамны харьяа аж ахуйн нэгж байгууллагууд болон барилга, инженерийн анги, байгууллагуудын үйлдвэрлэл, үйлчилгээний менежментийн тулгамдсан асуудлуудыг үр ашигтай шийдвэрлэхэд дэмжлэг үзүүлэх,
- шинэ дэвшилтэт технологийг бий болгох, цогц үйлчилгээ, бүтээгдэхүүнээр тасралтгүй хангах үйл ажиллагааг нь дэмжих замаар батлан хамгаалах салбарыг хөгжүүлэх зорилготой Батлан хамгаалах аж үйлдвэрийн нэгдэл ажиллаж байна.
Үүний хүрээнд орчин үеийн зэвсэглэл, техникийн дэвшилд нийцсэн нийт 9 төрлийн төсөл арга хэмжээг хэрэгжүүлж буй талаар Батлан хамгаалах аж үйлдвэрийн нэгдлийн дарга Б.Бат-Өлзий танилцууллаа.
|
Нийгэм
