2025 оны 12 дугаар сарын 19-ний өдөр Монгол Улсын Их Хурлын 2025 оны намрын ээлжит чуулганы нэгдсэн хуралдаан хуралдав. Уг өдрийн хуралдаанд Улсын Их Хурлын гишүүдийн ирцийн дэлгэрэнгүй мэдээг танилцуулж байна.

Нэгдсэн хуралдаанд гишүүд 09:00–12:30 цагийн хооронд бүртгүүлэн оролцсон бөгөөд олонх гишүүд цагтаа болон бага зэргийн хоцролттой ирсэн байна. Тухайлбал, О.Алтангэрэл (09:57), Н.Алтанхуяг (09:49), Л.Мөнхбаатар (08:54), С.Цэнгүүн (09:02), О.Цогтгэрэл (09:06) зэрэг гишүүд эрт ирцээ бүртгүүлжээ. Харин зарим гишүүд 11:00 цагаас хойш буюу үд дунд хуралдаанд оролцсон байна.

Түүнчлэн тухайн өдөр зарим гишүүд чөлөөтэй, эмнэлгийн чөлөөтэй, орон нутаг болон гадаад томилолттой гэсэн шалтгаанаар хуралдаанд оролцоогүй байна. Үүнд Д.Амарбаясгалан, Ч.Анар, Т.Мөнхсайхан, Н.Нарантуяа-Нара, С.Зулпхар нар чөлөөтэй, Д.Батлут, Х.Булгантуяа, Ж.Ганбаатар, Л.Гантөмөр, Г.Тэмүүлэн, П.Сайнзориг нар эмнэлгийн чөлөөтэй байсан бол Б.Мандхай, Ж.Баясгалан, М.Бадамсүрэн нар орон нутагт, Б.Бат-Эрдэнэ, Г.Очирбат, Б.Тулга, А.Ганбаатар зэрэг гишүүд гадаад томилолттой байжээ.

Ийнхүү Улсын Их Хурлын 126 гишүүнээс ихэнх нь нэгдсэн хуралдаанд оролцож, хууль тогтоох үйл ажиллагааг хэвийн үргэлжлүүлсэн бөгөөд ирцийн мэдээг Улсын Их Хурлын Тамгын газраас албан ёсоор бүртгэн мэдээлсэн байна.