ТАТАР МАЙДАР (convert)
Монгол Улсын Батлан хамгаалах яам болон АНУ-ын Батлан хамгаалах яам (Дайны яам) хоорондын ээлжит хоёр талын зөвлөлдөх уулзалт 2026 оны 9 дүгээр сарын 8-наас 11-ний өдрүүдэд АНУ-ын Вашингтон хотноо амжилттай зохион байгуулагдаж байгаа билээ. Энэхүү уулзалт нь хоёр улсын батлан хамгаалах салбарын хамтын ажиллагааг шинэ шатанд гаргах, бүс нутгийн аюулгүй байдлыг бэхжүүлэхэд чухал үүрэг гүйцэтгэх юм.
Уулзалтад Монголын талаас Батлан хамгаалах яамны Төрийн нарийн бичгийн дарга, хошууч генерал Давгадоржийн Ганхуяг тэргүүтэй төлөөлөгчид оролцож байгаа бол Америкийн талыг АНУ-ын Батлан хамгаалах яамны Хятад, Тайвань, Монголын асуудал эрхэлсэн Туслах төрийн нарийн бичгийн даргын орлогч ноён Алваро Смит тэргүүлж байна.
Энэ удаагийн зөвлөлдөх уулзалтаар талууд өнгөрсөн хугацаанд хамтын ажиллагааны хүрээнд хэрэгжүүлж ирсэн арга хэмжээнүүдийг дүгнэхийн зэрэгцээ ирэх таван жилийн хугацаанд Монгол Улсын батлан хамгаалах салбарын чадавхыг нэмэгдүүлэх замын зургийг тодорхойлж байна. Мөн Монгол Улсын Зэвсэгт хүчний бэлэн байдлыг дээшлүүлэх, хамтарсан цэргийн сургуулилалтыг өргөжүүлэх, батлан хамгаалах үйлдвэрлэлийн баазыг бэхжүүлэх зэрэг өргөн хүрээний асуудлаар санал солилцож байгаа юм.
Энэ удаагийн зөвлөлдөх уулзалтаар талууд өнгөрсөн хугацаанд хамтын ажиллагааны хүрээнд хэрэгжүүлж ирсэн арга хэмжээнүүдийг дүгнэлээ. Уулзалтын үеэр ноён Алваро Смит болон хошууч генерал Давгадоржийн Ганхуяг нар ирэх таван жилийн хугацаанд Монгол Улсын батлан хамгаалах салбарын зардлыг нэмэгдүүлэх бүтэцчилсэн замын зургийг тодорхойлсон бөгөөд энэ нь АНУ-ын аюулгүй байдлын хамтын ажиллагааны тусламжийг АНУ-ын ашиг сонирхол болон Монгол Улсын батлан хамгаалахын хэрэгцээ шаардлагад нийцүүлэх ач холбогдолтой юм. Мөн тэд Монгол Улсын Зэвсэгт хүчний чадавх, бэлэн байдлыг дээшлүүлэх, хамтарсан цэргийн сургуулилалтыг өргөжүүлэх, батлан хамгаалах үйлдвэрлэлийн баазыг бэхжүүлэх бодит арга замуудыг хэлэлцлээ.
Америкийн талаас Монгол Улсын Зэвсэгт хүчин дэлхийн Энхийг сахиулах ажиллагаанд болон Гаити дахь зэвсэгт бүлэглэлийн дээрэмчдийг дарах ажиллагаанд оруулж буй чухал хувь нэмрийг өндөр хувиар сайшаав. Уулзалтын хүрээнд Монголын төлөөлөгчид АНУ-ын Батлан хамгаалах яам болон Төрийн департаментын албан тушаалтнуудтай ажил хэргийн уулзалт хийж, АНУ-ын Тэнгисийн цэргийн дээд сургуулийн үйл ажиллагаатай танилцахаар төлөвлөжээ.
|
Улс төр
