Монгол, Энэтхэгийн цэргийн хамтын ажиллагаа шинэ шатанд: "Nomadic Elephant" сургуулилт эхэлж, "Khaan Quest 2026 "-ийг дүгнэлээ

Монгол Улсын Зэвсэгт хүчин болон БНХУ-ын хуурай замын цэргийн хамтарсан "Nomadic Elephant 2026” тактикийн хээрийн сургуулийн 18 дахь удаагийн нээлтийн ажиллагаа Энэтхэгийн Уттаракханд мужийн Питхорагарх дахь Гадаад сургалтын төвд даваа гарагт албан ёсоор боллоо. 

Энэхүү сургуулилалт нь есдүгээр сарын 21-нээс аравдугаар сарын 3-ны өдөр хүртэл үргэлжлэх бөгөөд НҮБ-ын мандатын дор хагас суурьшлын болон уулархаг бүсэд бослогын эсрэг ажиллагаа явуулах цэргийн хамтарсан чадавхыг бэхжүүлэх, харилцан ажиллагааны тактикийг засах зорилготой юм. 

Сургуулилалтын хүрээнд бүслэлт, нэгжлэг хийх, барилга байгууламжид нэвтрэх тактик, нисдэг тэрэгний тусгай ажиллагаанаас гадна кибер аюулгүй байдал, дрон болон дроныг эсэргүүцэх системийг ашиглах чиглэлээр бодит нөхцөл байдалд хамтран бэлтгэгдэж байгааг Энэтхэгийн Армийн Олон нийтийн мэдээллийн газраас (ADGPI) мэдээллээ.

Хоёр орны цэргийн хамтын ажиллагаа зөвхөн үүгээр хязгаарлагдахгүй бөгөөд өнгөрсөн долдугаар сард Улаанбаатар хотын ойролцоох Зэвсэгт хүчний сургалтын нэгдсэн төвд зохион байгуулагдсан "Khaan Quest 2026" олон улсын энхийг сахиулах сургуулилтад Энэтхэг улс идэвхтэй оролцсон юм. Тус сургуулилтын хаалтын ажиллагаанд Батлан хамгаалахын дэд сайд, хошууч генерал Дашцэдэнгийн Баасандамба, ЗХЖШ-ын дарга, дэд генерал Сүнрэвийн Ганбямба нар оролцож, 18 орны дайчдын мэргэжлийн ур чадварыг өндрөөр үнэлсэн байна. 

Сургуулилалтад Энэтхэгийн талаас Жат дэглэмийн хоёр эмэгтэй офицер багтсан 40 цэргийн бүрэлдэхүүнтэй баг ирж оролцсон бөгөөд энэ нь хоёр орны дэлхийн энх тайван, НҮБ-ын энхийг сахиулах ажиллагааны төлөөх стратегийн түншлэлийг улам бүр баталгаажуулсан үйл явдал болсон билээ.