ТАТАР МАЙДАР
Харамсалтай нь, ОУХМ Энхсайханы Дэлгэрмаа хүрэл медалийн төлөөх шийдвэрлэх барилдаанд АНУ-ын тамирчин Кеннеди Блэйдстэй туйлын ширүүн үзсэний эцэст оноогоор цэвэр (техникийн давуу байдлаар 3:10 харьцаагаар) ялагдсанаар медальгүй хоцорч, ДАШТ-ий 5-р байранд шалгарлаа.
Парисын олимпын мөнгөн медальт Кеннеди Блэйдс нь барилдааны эхнээс маш идэвхтэй дайрч, манай бөхийн хамгаалалтыг сэтлэн хэд хэдэн удаагийн угсраа даралттай тактикийг амжилттай гүйцэтгэсэн байна. Э.Дэлгэрмаа хариу довтолгоо хийж оноо авахыг хичээсэн боловч Блэйдсийн хамгаалалт болон хурд илүүрхэж, улмаар онооны харьцаа 10-аас дээш давахад барилдаан хугацаанаас өмнө техникийн давуу байдлаар АНУ-ын бөхийн ялалтаар өндөрлөв.
Ийнхүү АНУ-ын Кеннеди Блэйдс "Астана-2026" ДАШТ-ий хүрэл медалийн болзол хангаж, дэлхийн хошой медальтан болж байна. Манай бөхийн хувьд дэлхийн шилдэг залуу ододтой эн тэнцүү өрсөлдөж, шагналт 5 дугаар байр эзэлсэн нь чамлахааргүй амжилт байлаа.
Уг жинд Кыргызстаны Мээрим Жуманазарова мөнгөн медаль, БНХАУ-ын Лон Жиа алтан медаль хүртсэн байна.
|
Спорт
