Хөнгөн хэлбэрийн угаартах үед илрэх шинж тэмдэг

• Толгой эргэх
• Дотор муухай оргих
• Бөөлжих, огиудас хүрэх
• Чих шуугих
• Нүднээс нулимс гоожих
• Угаарын улмаас ханиалгах, найтаах, амьсгал түргэсэх
• Цээжээр өвдөх

Хүнд хэлбэрийн угаартах үед илрэх шинж тэмдэг

• Унтаарах
• Хүүхэн хараа өргөсөх
• Таталт өгөх
• Хий юм сонсох
• Өтгөн шингэн мэдээгүй гарах
• Амьсгалд өөрчлөлт орох
• Биеэр цусархаг болон цэврүүт тууралтууд гарах

Дээрхи шинж тэмдэг илэрсэн үед цаг алдалгүй 103 дуудаж эмч иртэл дараах арга хэмжээг авч байхыг зөвлөж байна

• Угаартсан хүнийг яаралтай цэвэр агаарт гаргаж, хажуу тийш нь харуулж хэвтүүлэх
• Цамцыг тайлж, цээжийг ил гаргах ба биеийн бусад хэсгийг хучиж, дулаан байлгах
• Нүүр, цээжийг хүйтэн ус цасаар норгох болон нойтон алчуураар үрж арчих
• Хамрын салстыг хөвөн, цаас, шувууны өд зэргээр цочроож аль болох олон найтаалгахыг оролдох
• Угаартсан хүн хариу үйлдэл үзүүлж байвал нэрээр нь дуудаж, сэрээх зэргээр аль болох унтуулахгүй байлгах
• Уух чадвартай байвал чихэртэй халуун цай, кофе, чацаргана уулгах
• Толгойд хүйтэн жин тавих
• Хэрэв угаартсан хүн амьсгалахгүй байвал амьсгалын замыг чөлөөлж, цээж шахалтыг 30 удаа хийж, аврах амьсгалыг 2 удаа өгнө. Энэхүү үйлдлийг угаартсан хүнийг сэргэтэл болон эмч иртэл хийх.