Хүнс, хөдөө аж ахуй, хөнгөн үйлдвэрийн яамнаас гаргасан хүнсний сүлжээнд оролцогч нарт “Ковид-19” халдварт цар тахлаас сэргийлэх цуврал зөвлөмжийг хүргэж байна.

ХҮНСНИЙ ХУДАЛДАА ЭРХЛЭГЧ НАРТ ЗОРИУЛСАН ЗӨВЛӨМЖ

-Худалдан авагчийн бөөгнөрөл үүсгэхгүйгээр үйлчилгээг зохион байгуулах,

-Үйлчлүүлэгч хоорондоо зай, дараалал барих тэмдэглэгээг хийж байршуулах,

-Дэлгүүрийн орох хэсэгт үйлчлүүлэгчийн биеийн халууныг нь үзэж, хяналт тавих,

-Дэлгүүрийн орох, гарах хэсгүүдэд гар ариутгагч бодис, нэг удаагийн цаасан алчуур байршуулах,

-Өөртөө үйлчлэх хэсэгт идэхэд бэлэн бүтээгдэхүүн, талх нарийн боовны бүтээгдэхүүнийг ил задгай худалдан борлуулахгүй байх, нэг удаагийн бээлий, гялгар уут, цаасан сав баглаа боодлыг хангалттай хэмжээгээр байршуулах,

-Үйлчилгээний ажилтнуудыг халуун хэмжигч хэрэгсэл, хамгаалах хувцас хэрэгсэл, амны хаалтаар хангах,

-Аль болох бэлэн бус төлбөр хийх нөхцлийг бүрдүүлэх, дэмжих,

-Хүнс тээвэрлэж буй тээврийн хэрэгсэл, чингэлэг, тэргэнцэр, сагсыг тогтмол угааж ариутган эрүүл ахуй, ариун цэврийн шаардлагыг мөрдөн ажиллах, хяналт тавих,

-Үйлчлүүлэгчдэд зай барьж үйлчлүүлэх, гараа тогтмол угаах санамж, мэдээллийг өгөх,

-Үйлчлүүлэгч өөрсдийн цэвэр тор, савтай үйлчлүүлэх санамж, зөвлөмжийг харагдахуйц газар байршуулах

ХҮНСНИЙ ҮЙЛДВЭРЛЭЛ ЭРХЛЭГЧ НАРТ ЗОРИУЛСАН ЗӨВЛӨМЖ

-“Ковид-19” халдварт цар тахлаас сэргийлэх талаар ажилтнуудад бичгээр зааварчилгаа өгч, сургалт тогтмол зохион байгуулах,

-Ажлын байранд аюулгүй байдлын зөв дадлыг нэвтрүүлж /өвчний шинж тэмдэгтэй ажилтныг тусгаарлах, мэдээлэх, эмнэлгийн тусламж авах гэх мэт/, ажилтныхаа эрүүл мэндийг хамгаалах нөхцлийг бүрдүүлж ажиллах,

-Ажилчид хоорондын зай 1 метрээс багагүй байхаар ажлын байрыг зохион байгуулах,

-Ажилтныг гар угаах хэрэгслээр бүрэн хангаж, хүнстэй харьцдаг ажилтны гар угаалтад хяналт тавих,

-Үйлдвэрлэл, үйлчилгээний орох хэсэгт спиртэн суурьтай гар ариутгагч бодис, цаасан алчуурыг байршуулах,

-Ажилтны хоолны газарт бөөгнөрөл үүсгэхгүй байх нөхцөлийг бүрдүүлж, цайны завсарлагын цагийг зохицуулах,

-Үйлдвэрлэл, үйлчилгээний танхимын агаар сэлгэлтийг тогтмол хийх,

-Амны хаалт зүүж, өөр хоорондоо зай барьж харьцах санамж хуудсыг харагдахуйц газар байршуулах,

-Онлайн захиалга, хүргэлтийн үйлчилгээг халдвар, хамгааллын дэглэмийг баримтлан зохион байгуулах,

-Хүнс тээвэрлэж буй тээврийн хэрэгсэл, чингэлэг, тэргэнцэр, сагсыг тогтмол угааж ариутган эрүүл ахуй, ариун цэврийн шаардлагыг мөрдөн ажиллах, хяналт тавих,

-Үйлчлүүлэгчтэй 1,5 метрийн зайнаас харилцах,

-Төлбөрийг бэлэн бусаар хийх нөхцөлийг бүрдүүлэх, дэмжих

ХООЛ ҮЙЛДВЭРЛЭЛ, ҮЙЛЧИЛГЭЭ ЭРХЛЭГЧ НАРТ ЗОРИУЛСАН ЗӨВЛӨМЖ

-“Ковид-19” халдварт цар тахлаас сэргийлэх талаар ажилтнуудад бичгээр зааварчилгаа өгч, сургалт тогтмол зохион байгуулах,

-Ажлын байранд аюулгүй байдлын зөв дадлыг нэвтрүүлж /өвчний шинж тэмдэгтэй ажилтныг тусгаарлах, мэдээлэх, эмнэлгийн тусламж авах гэх мэт/, ажилтныхаа эрүүл мэндийг хамгаалах нөхцлийг бүрдүүлж ажиллах,

-Ажилчид хоорондын зай 1 метрээс багагүй байхаар ажлын байрыг зохион байгуулах,

-Хооллох танхимын ширээ хоорондын зайг 1-1,5 метр байхаар байршуулж зохион байгуулах,

-Хоол амтлагч сав, хоолны цэс гэх мэт хүний гар ихээр хүрэлцдэг зүйлсийг ариутгалын уусмалаар тогтмол арчих, угаах,

-Үйлдвэрлэл, үйлчилгээний орох хэсэгт спиртэн суурьтай гар ариутгагч бодис, цаасан алчуурыг байршуулах,

-Үйлчилгээний танхимын агаар сэлгэлтийг тогтмол хийх,

-Үйлчлүүлэгчтэй 1,5 метрийн зайнаас харилцах,

-Ажилтныг гар угаах хэрэгслээр бүрэн хангаж, хүнстэй харьцдаг ажилтны гар угаалтад хяналт тавих,

-Амны хаалт зүүж, өөр хоорондоо зай барьж харьцах санамж хуудсыг харагдахуйц газар байршуулах,

-Хоол, хүнс тээвэрлэж буй тээврийн хэрэгсэл, чингэлэг, тэргэнцэр, сагсыг тогтмол угааж ариутган эрүүл ахуй, ариун цэврийн шаардлагыг мөрдөн ажиллах, хяналт тавих,

-Онлайн захиалга, хүргэлтийн үйлчилгээг халдвар, хамгааллын дэглэмийг баримтлан зохион байгуулах,

-Төлбөрийг аль болох бэлэн бусаар хийх.