АДМИН
"Лантуун дохио" ТББ-ын санаачилсан "Лантуу хүүгийн богц" аян амжилттай үргэлжилж, нэн ядуу иргэдийн бяцхан хүүхдүүдэд өгөх хоол хүнс хандивлагчдын цуваа тасрахгүй байгаа аж.
Өглөө 8 цагаас орой 21 цаг хүртэл хамт олноороо, гэр бүлээрээ, найзуудаараа, хүүхдүүдээ хөтлөөд тортой юмс барьсан, машинаар хүнс буулгасан их цуваа огт тасрахгүй байгаа гэнэ. Гуравхан хоногийн хугацаанд 140м2 талбай бүхий өрөөг овоолсон хүнснүүдээр дүүргэж эхэлснийг "Ид шидийн орон - 2" төвийн захирал н.Ундраа нүүр хуудаснаа бичжээ.
Хандивт оролцохыг хүссэн иргэд саван, 00 цаас, шар цагаан будаа, овьёос, лууван, чанамал, гурил, сүү тараг гээд олон зүйлсийг хандивласаар байна.
Мөн амралтын өдрүүдэд эдгээр цугларсан хүнс, барааг эздэд нь хүргэж, бяцхан үрсийн баярласан харцыг мэдрэхийг хүсвэл Лантуун дохио ТББ-ын залуустай нэгдэж болох юм байна.
|
Нийгэм
