Богд хааны ордон музейн үзэсгэлэнгийн танхимд "УЛСЫН ЭХ ДАГИНА" үзэсгэлэн гарч байна. Үзэсгэлэнг 2022 оны 9 сарын 29-нийг дуустал өдөр бүр 09:00-18:00 цагт үзэх боломжтой. 

Загарвардийн хаан нь улс гүрнээ амар хялбар харшлах саадгүй захирахын тулд урьд үйлдсэн агуу их буяныхаа хүчээр хаан төрийн долоон эрдэнэ эзэмшдэг гэж Буддын шашинд үздэг. 

Тиймээс VIII Богд номт хаадын уламжлал ёсоор төрийн долоон эрдэнэтэй болсон нь түүнийг шашны тэргүүнээс төрийн хаан болсныг гэрчилдэг. Төрийн долоон эрдэнийн гуравдахь нь хатан эрдэнэ. Монгол Төрийн хатан Сэцэн хан аймгийн Хөвчийн жонон бэйс Цанлигдоржийн хошууны нутагт Цэндийн гэр бүлд 1874 онд мэндэлжээ. Дондовлхам хатанд төрөөс олгосон 3 удаагийн алтан өргөмжлөл түүнийг монгол хятад орос гурван улсад бүс нутгийн хэмжээнд монгол Төрийн хатан гэж хүлээн зөвшөөрсөн явдал юм.  Энэ баримт түүнийг монгол төрийн түүхэн дэх хосгүй хувь заяатай төрийн хатан болохыг гэрчилж үлджээ. 1902 онд Чин улсаас “Цагаан дара ноён” цол хүртсэний дараа Эх дагинын үйл ажиллагаа идэвхжиж, Их Хүрээний 28 аймаг дээр нэмэн Эх дагинын аймаг Сангай гэх өөрийн аймгийг байгуулж удирдав. Энэ аймаг нь Дамжандорлиг шүтээнтэй, гар урчууд, оёдолч, хатгамалч нарын 120 гаруй хүнээр ёслолын урлал хийлгэдэг Монголын урчуудын урлалын бие даасан анхны нэгж болсон юм. Эл аймгийн урлаачдын урласан эд өлөг, дурсгалын зүйлс нь  эдүгээ Богд Хааны Ордон музейд хадгалагдан үлдсэн нь олны нүдийг баясган байдаг. 

"УЛСЫН ЭХ ДАГИНА" үзэсгэлэнд сангай аймгийн урчуудын урласан бүтээлээс хатан Дондовдуламын эдэлж хэрэглэж байсан ёслолын урлалын эд зүйлээс дээжлэн та бүхэндээ дэлгэн хүргэж байна.